កម្មករនិយោជិតបម្រើការងារនៅរោងចក្រ ផេកធីក (ខេមបូឌា) ខូអិលធីឌី បន្តធ្វើកូដកម្មដោយសន្តិវិធី ដើម្បីទាមទារលក្ខខណ្ឌការងារមួយចំនួន…
ក្រុងសៀមរាប៖ គិតត្រឹមម៉ោង ២ៈ៣០នាទីនាថ្ងៃសុក្រ ទី២៨ ខែសីហា ២០២០នេះ កម្មករនិយោជិតបម្រើការងារនៅរោងចក្រ ផេកធីក (ខេមបូឌា) ខូអិលធីឌី (Pactics (Cambodia) Co., Ltd) ខេត្តសៀមរាប នៅតែបន្តធ្វើកូដកម្មដោយសន្តិវិធី ដើម្បីទាមទារលក្ខខណ្ឌការងារមួយចំនួនដូចជា៖
១. ទាមទារឱ្យក្រុមហ៊ុនទទួលយកលោក ម៉េត រ៉ាត ប្រធានសហជីពឯករាជ្យសាមគ្គីនិយោជិតនៃរោងចក្រផេកធីក និងលោក ពីង ទាវ សកម្មជនសហជីពចូលធ្វើការងារវិញនិងសងរំលឹកប្រាក់ឈ្នួលនិងអត្ថប្រយោជន៍ផ្សេងៗគិតចាប់ពីថ្ងៃបញ្ឈប់រហូតដល់ថ្ងៃចូលធ្វើការវិញ ។
២. ទាមទារឱ្យនិយោជកគោរពតាមសេចក្តីបង្គាប់លេខ ០៣៨/២០ – ផេកធីក (ខេមបូឌា) ។
៣. ទាមទារឱ្យក្រុមហ៊ុនផ្តល់ប្រាក់ឈ្នួលអប្បបរមាជូនកម្មករនិយោជិតស្របតាមប្រកាសលេខ ៣៨៩/១៩ ចុះថ្ងៃទី២០ ខែកញ្ញា ឆ្នាំ២០១៩ ស្តីពីការកំណត់ប្រាក់ឈ្នួលអប្បបរមាសម្រាប់កម្មករនិយោជិតផ្នែកវាយនភណ្ឌ កាត់ដេរ និងផលិតស្បែកជើង សម្រាប់ឆ្នាំ២០២០ ។
ប្រភព: សង់ត្រាល់
