ករណីគ្រោះថ្នាក់ចរាចរណ៍រវាងម៉ូតូ និងHYUNDAI បណ្តាលឲ្យស្លាប់ម្នាក់

ខេត្តកំពង់ឆ្នាំង: នៅយប់ថ្ងៃទី០៣ ឈាន ចូលថ្ងៃ ០៤​ ខែសីហា​ ឆ្នាំ២០២០ វេលាម៉ោង ២:០៥​ នាទី លើផ្លូវជាតិលេខប្រាំ ចន្លោះគីឡូម៉ែត្រលេខ 91-92​ ត្រង់ចំណុចផ្លូវកោង​មុខផ្ទះឈ្មោះ​ ចាន់​ សារិន​ ស្ថិតនៅភូមិទី២​ សង្កាត់ខ្សាម​ ក្រុងកំពង់ឆ្នាំង​ ខេត្តកំពង់ឆ្នាំង មានកេីតករណីគ្រោះថ្នាក់ចរាចរណ៍ ដោយម៉ូតូម៉ាក HONDA C125 ពណ៌ខ្មៅ ពាក់ផ្លាកលេខ កំពង់ឆ្នាំង 1D-4725 បើកបរដោយឈ្មោះ លឹម​ ស្រ៊យ​ភេទ ប្រុស អាយុ ៥៦ឆ្នាំ មានទីលំនៅភូមិប្រាំបីឆោម​ ឃុំពង្រ ស្រុករលាប្អៀរ ខេត្តកំពង់ឆ្នាំង បាន បេីកបរម្នាក់ឯង​ ចេញពីទិសខាងកេីត​ទៅទិសខាងលិច​ ។ លុះបើកបរមកដល់ចំណុចខាងលើ ក៏បានបុកជាមួយរថយន្ត ០១ គ្រឿងម៉ាក HYUNDAI ពណ៌ក្រហម​ ពាក់ផ្លាកលេខ ភ្នំពេញ 3A-1879 ដែលជារថយន្តរបស់ក្រុមហ៊ុនដឹកជញ្ជូន​បើកបរដោយឈ្មោះ វ៉ាន់​ ចាន់ណា ភេទ ប្រុស អាយុ ២២ឆ្នាំ មានទីលំនៅបច្ចុប្បន្នភូមិដោម ឃុំ បាក់ស្នា​ ស្រុកបារាយណ៍ ខេត្តកំពង់ធំ​ (រត់គេចខ្លួនបាត់)​ ។ រថយន្តបានបើកបរចេញពីទិសខាងលិច ទៅទិសខាងកេីត ក្នុងដំណើរច្រាស់ទិសគ្នា។

ក្នុងហេតុការណ៍នេះបណ្តាលឲ្យស្លាប់ អ្នកបើកបរម៉ូតូ នៅហ្នឹងកន្លែងកើតហេតុ ខូចខាតម៉ូតូ ០១ គ្រឿង ធ្ងន់​ រថយន្ត​ ០១​ គ្រឿង ស្រាល ត្រូវបានចាប់យកមករក្សាទុកនៅអធិការដ្ឋានគរបាលក្រុងកំពង់ឆ្នាំង ដេីម្បីកសាងសំណុំរឿងទៅតាមនីតិវិធីច្បាប់ ៕