ករណីអគ្គិភ័យឆេះផ្ទះប្រជាពលរដ្ឋ ស្ថិតនៅខណ្ឌពោធិ៍សែនជ័យ ​បានបំផ្លាញសម្ភារៈអស់មួយចំនួន និងផ្ទះមួយខ្នង

អគ្គិភ័យដែលឆេះផ្ទះប្រជាពលរដ្ឋ​ មួយខ្នង​ និងបានបំផ្លាញសម្ភារៈអស់មួយចំនួន ដែលស្ថិតនៅផ្លូវលេខ១០៥K ភូមិក្បាលដំរី២ សង្កាត់កាកាបទី២​ ខណ្ឌពោធិ៍សែនជ័យ រាជធានីភ្នំពេញ នៅវេលាម៉ោង​ ១៦និង៣០នាទី ថ្ងៃទី០៤​ ខែកុម្ភៈ​ ឆ្នាំ​២០២២នេះ​ ត្រូវបានរលត់ទៅវិញហើយ​ ក្រោយពីកម្លាំងសមត្ថកិច្ចជំនាញប្រេីប្រាស់រថយន្តពន្លត់អគ្គិភ័យ​ចំនួន​ ៤គ្រឿង។

ដោយនៅក្នុងប្រតិបត្តិការនេះ​ គឺមានការដឹកនាំដោយលោកឧត្តមសេនីយ៍ត្រី​ ស៊ុម​ សុឃីម​ ស្នងការរង​ ទទួលផែនការងារអគ្គិភ័យ​ និងគ្រឿងផ្ទុះ​ បានដាក់បទបញ្ជាឲ្យលោកវរសេនីយ៍ឯក​ ព្រហ្ម​ យ៉ន​ នាយការិយាល័យនគរបាលបង្ការពន្លត់អគ្គិភ័យ​ និងសង្គ្រោះ​ ដឹកនាំមន្ត្រីជំនាញពន្លត់អគ្គិភ័យចុះប្រតិបត្តិការជួយសង្គ្រោះប្រជាពលរដ្ឋដែលកំពុងជួបបញ្ហាគ្រោះអគ្គិភ័យ។ ក្រោយពី​ ទទួលបាននូវបទបញ្ជានេះរួចមក​ លោកវរសេនីយ៍ឯក​ ព្រហ្ម​ យ៉ន​ នាយការិយាល័យ​ បានដឹកនាំលោកនាយរងការិយាល័យ​ និងមន្ត្រីជំនាញ ចុះប្រតិបត្តិការភ្លាមៗ​ ដោយក្នុងនោះ​ បានបញ្ជាទៅគោលដៅដែលបានប្រចាំការនៅសាលាខណ្ឌពោធិ៍សែនជ័យ ដេីម្បី​ចេញរថយន្តពន្លត់អគ្គិភ័យជួយសង្គ្រោះភ្លាមៗផងដែរ។

លោកវរសេនីយ៍ឯក​ ព្រហ្ម​ យ៉ន​ នាយការិយាល័យ​នគរបាលបង្ការពន្លត់អគ្គិភ័យ​ និងសង្គ្រោះ​ បានបញ្ជាក់ថា នៅក្នុងរង្វង់នៃប្រតិបត្តិការនេះ កម្លាំងសមត្ថកិច្ចបានប្រើប្រាស់ រថយន្ដពន្លត់អគ្គិភ័យ ចំនួន​ ៤គ្រឿង​ ក្នុងនោះការិយាល័យបង្ការ និងពន្លត់អគ្គិភ័យ នៃស្នងការដ្ឋាននគរបាលរាជធានីភ្នំពេញ​ ចំនួន​ ១គ្រឿង​ ប្រេីប្រាស់ទឹកអស់​ ១ឡាន​។ ចំពោះក្នុងករណីគ្រោះអគ្គិភ័យខាងលេីនេះ​ មិនបណ្តាលឲ្យមានអ្នកណារងរបួសឡេីយ។

យ៉ាងណាមិញសម្រាប់មូលហេតុដែលនាំឲ្យមានអគ្គិភ័យខាងលេីនេះ​ គឺបណ្តាលមកពីការ​ ឆ្លងចរន្តអគ្គីសនី​៕

Book Bus Ticket Online With LankrongTicket.com Book Bus Ticket Online