ករណីអគ្គីភ័យកើតឡើងដោយការដុតភ្លើងដាំបាយមិនបានពន្លត់បណ្តាលឲធ្លាក់ទៅលើអុសដែលពុះហើយ

ខេត្តក្រចេះ​៖ ថ្ងៃសុក្រ ១០ កើត ខែភទ្របទ ឆ្នាំជូត ទោស័ក ពស ២៥៦៤ ត្រូវនឹងថ្ងៃទី២៨ ខែសីហា ឆ្នាំ២០២០ វេលាម៉ោង​ ០១:០០​ នាទីយប់​ នៅចំណុចទូលពន្លៃ​ ភូមិឃ្សឹមក្រៅ​ ឃុំ​ ឃ្សឹមស្រុក​ ស្នួល​ ខេត្ត​ ក្រចេះ​ មានករណីអគ្គីភ័យឆេះផ្ទះ​ប្រជាពលរដ្ឋ​បណ្តាលឲ្យឆេះផ្ទះ​ចំនួន​ ០១​ ខ្នង​ ទំហំ​ ៦×១២ម៉ែត្រ​ ខូចខាតទាំងស្រុង​ ។​ សម្ភារៈខូចខាតរួមមាន​៖
-​ ស្រូវចំនួន​ ១២​ បេ
-​ លុយចំនួន​ ៣.០០០,០០០រ​ (បីលានរៀល)
-​ លុយដុល្លាចំនួន​ ៥០០$
-​ ខោអាវមួយចំនួន
-​ ចានឆ្នាំងមុងភួយកន្ទេល
ម្ចាស់ផ្ទះឈ្មោះ​ អូន សូន​ ភេទ​ ប្រុស​ អាយុ​ ៦៣​ ឆ្នាំជនជាតិ​ ខ្មែរ​ មុខរប​ កសិករ​ រស់នៅចំណុចទូលពន្លៃ​ ភូមិឃ្សឹមក្រៅ ឃុំ​ ឃ្សឹម​ ស្រុកស្នួល​ ខេត្តក្រចេះ​ ។
ប្រពន្ធ ឈ្មោះ​ បូ ញ៉ូ អាយុ​ ៦១​ ឆ្នាំ​ ជនជាតិ​ ខ្មែរ​ មុខរបរ​ កសិករ រស់ភូមិឃុំខាងលើ​ ផ្ទះធ្វើអំពីឈើជញ្ជាំងក្តាប្រក់​ស័ង្កសី​ ។ មូលហេតុ:​ ដុតភ្លើងដាំបាយមិនបានពន្លត់បណ្តាលឲធ្លាក់ទៅលើអុសដែលពុះហើយដាក់ខាងក្រោមផ្ទះបណ្តាលឲឆេះផ្ទះតែម្តង។

សរុបការខូចខាតទាំងអស់ប្រហែលចំនួន​ ៨៥០០​ ដុល្លា​ ។ករណីខាងលើពុំបណ្តាលអោយមានគ្រោះថ្នាក់ដល់មនុស្សនោះទេ។ រថយន្តពន្លត់អគ្គីភយ័ចេញជួយ​អន្តរាគមន៍​ពុំទាន់ពេលដោយសារភ្លើងឆេះខ្លាំងហើយទើបរាយការណ៍ និងផ្លូវឆ្ងាយ​ ។

Book Bus Ticket Online With LankrongTicket.com Book Bus Ticket Online