ករណីអគ្គីភ័យឆេះផ្ទះប្រជាពលរដ្ឋចំនួន ០៤ខ្នង ស្ថិតនៅក្រុងព្រះសីហនុ
ខេត្តព្រះសីហនុ៖ នៅថ្ងៃទី២៤ខែ សីហា ឆ្នាំ២០២០ វេលាម៉ោង ១២:៣០ នាទី យប់ មានករណីអគ្គីភ័យឆេះផ្ទះប្រជាពលរដ្ឋចំនួន ០៤ខ្នង ស្ថិត នៅក្រុមទី១២ ភូមិ៣ សង្កាត់លេខ៣ ក្រុងព្រះសីហនុ ខេត្តព្រះសីហនុ ។
ម្ចាស់ផ្ទះទី១ ឈ្មោះ ប៉ាត អៀរ ភេទ ស្រី អាយុ ៤៥ ឆ្នាំ មុខរបរ អ្នកអនាម័យ ។ សម្ភារ:ខូចខាត:
- មានម៉ូតូ ០៤ គ្រឿង
- ក៉ំព្យូទ័រ ០១ គ្រឿង និង ខូចខាតសំភារៈប្រើប្រាស់ (ទាំងស្រុង ) ។
ម្ចាស់ផ្ទះទី២ ឈ្មោះ ហូន សុជាតិ ភេទ ប្រុស អាយុ ៥១ ឆ្នាំ មុខរបរ ជាងទូក ខូចខាតជញ្ជាំង ១០% ។
ម្ចាស់ផ្ទះទី៣ ឈ្មោះ ចាន់ ញ៉ែត ភេទ ស្រី អាយុ ៨១ ឆ្នាំ មុខរបរ នៅផ្ទះ ខូចខាតដំបូល ៥០% ។
ម្ចាស់ផ្ទះទី ៤ ឈ្មោះ ទោម សៅ ភេទ ប្រុស អាយុ ៣៤ ឆ្នាំ មុខរបរ លក់ដូរ ។ ករណីនេះគ្រប់គ្រងស្ថានភាពទាំងស្រុងនូវម៉ោង ០១:៣០នាទី
មូលហេតុ: បណ្តាលមកពីឆ្លងចរន្តអគ្គិសនី ។ ករណីនេះចេញរថយន្តពន្លត់អគ្គីភ័យសរុបចំនួន ០៥ គ្រឿង ប្រើប្រាស់ទឹកសរុប ០៥ ឡាន ។ ស្នងការដ្ឋាននគរបាលខេត្ត ០២ គ្រឿង ប្រើប្រាស់ទឹកអស់ ០២ ឡាន។ កំពង់ផែស្វ័យចំនួន ០១ គ្រឿង ប្រើប្រាស់ទឹក ០១ ឡាន។ កងរាជអាវុធហត្ថខេត្តចំនួន ០២ គ្រឿង ប្រើប្រាស់ទឹក ០២ ឡាន
ករណីនេះមិនបណ្តាលអោយមានអ្នករងរបួសឡើយ ។
