ករណីអគ្គីភ័យ នៅចំណុចវត្តត្រពាំងល្ពៅបណ្ដាលមកពីលោកសង្ឃ អុចទៀនមុនចូលសឹង​

ខេត្ត​កំពង់​ចាម​៖ នៅថ្ងៃទី២៦ ខែសីហា ឆ្នាំ២០២០ វេលាម៉ោង​ ០២:៤០​ នាទី​ទៀបភ្លឺ បានទទួលពត៌មានពីប្រជាពលរដ្ឋ រាយការណ៍​ប្រាប់ថាមានករណីអគ្គីភ័យ នៅចំណុចវត្តត្រពាំងល្ពៅ ស្ថិតក្នុងភូមិត្រពាំងល្ពៅ ឃុំជយោ ស្រុកចំការលើ ខេត្តកំពង់ចាម ក្រោយពីទទួលពត៌មាន លោកឧត្តមសេនីយ៍ត្រី លី គឹមឡេង ស្នងការរងទទួលពង្រឹងស្រុកចំការលើ និងកម្លាំងជំនាញអធិការដ្ឋាននគរបាលស្រុក បានចេញរថយន្ដពន្លត់អគ្គីភ័យចំនួន​ ០១​ គ្រឿង ចុះទៅអន្ដរាគមន៍ជួយពន្លត់​ ។ ការខូចខាតរួមមាន៖
-​ កុដ្ឋ​ ០១​ ខ្នង ទំហំ ៥,៥ម៉ត្រ × ៨ម៉ែត្រ សង់អំពីឈើ ប្រក់ក្បឿង ជញ្ជាំក្ដា (ឆេះអស់ទាំងស្រុង) ។
-​ អង្ករ​ ២០បេ
-​ មេក្រូ១ អំភ្លី១ ធុងបាស​ ០៤​ គ្រាប់ និងសម្ភារមួយចំនួនទៀត ។
មូលហេតុ:​ បណ្ដាលមកពីលោកសង្ឃ អុចទៀនមុនចូលសឹង​ ។
អគ្គីភ័យរលត់អស់​ ១០០% នៅវេលាម៉ោង ០៣:៣០​ នាទី​នាថ្ងៃខែឆ្នាំដដែល ។ ក្នុងកិច្ចប្រតិបត្តិការណ៍នេះ កម្លាំង​ជំនាញ​ប្រើប្រាស់រថយន្តពន្លត់អគ្គីភ័យចំនួន ០១​ គ្រឿង ប្រើប្រាស់អស់ទឹក ០១ឡាន​ ។

Book Bus Ticket Online With LankrongTicket.com Book Bus Ticket Online