កីឡាករក្លឹប Roma ជួបឧបសគ្គមួយ នៅពេលហោះដល់ដីអេស្ប៉ាញ
ក្លឹបអ៊ីតាលី Roma បានប្រកាសនៅក្នុងបណ្ដាញសង្គម Twitter នៅថ្ងៃនេះ ថាខ្លួននឹងមិនអាចមកប្រកួត UEFA Europa League វគ្គ ១៦ក្រុមចុងក្រោយនេះទេ ដោយសារតែអេស្ប៉ាញមិនឲ្យយន្តហោះរបស់ក្លឹបខ្លួនចុះចត។
ខាងក្លឹប Roma នេះបាននិយាយថា ៖ ” យន្តហោះមកពី ប្រទេសអ៊ីតាលីមិនត្រូវបាន ឲ្យចុះចតនៅលើទឹកដី អេស្ប៉ាញទេ ” ។
ក្នុងខណៈប្រទេសអ៊ីតាលី មានការរីករាលដាលជំងឺកូរ៉ូណា យ៉ាងខ្លាំងដែលត្រូវបានប្រទេសនានាធ្វើការហាមឃាត់ មិនឲ្យយន្តហោះមកពីប្រទេសនេះចុះចតបែបនេះ។
យ៉ាងណាមិញ បើតាមកម្មវិធីដែលបានគ្រោងទុក ក្លឹប Roma នឹងត្រូវប៉ះជាមួយក្លឹប Sevilla ក្នុងក្របខ័ណ្ឌ UEFA Europa League វគ្គ ១៦ក្រុមចុងក្រោយ ដោយការប្រកួតនេះនឹងប្រព្រឹត្តឡើងដោយមិនអនុញ្ញាតឲ្យអ្នកគាំទ្រចូលរួមដោយផ្ទាល់នោះឡើយ៕
ប្រភព៖ ASRoma ប្រែសម្រួល៖ http://news.sabay.com.kh/
