កូនប្រុសចិត្តតិរច្ឆានឃេីញមុខឪពុកមិនបានដេញកាប់ឱ្យរងរបួសត្រូវជាប់ខ្នោះនៅក្រុងបាត់ដំបង
ក្រុងបាត់ដំបង៖ ពីថ្ងៃ ចន្ទ ៧កេីត ខែស្រាពណ៍ ឆ្នាំជូតទោស័ក ព.ស.២៥៦៤ ត្រូវនឹងថ្ងៃទី២៧ ខែកក្កដា ឆ្នាំ២០២០ វេលាម៉ោង ២៣និង ៣០នាទី មានករណីហិង្សា (ក្នុងគ្រួសារ) ដោយចេតនាមានស្ថានទម្ងន់ទោសមួយ បានកើតឡើងនៅចំណុចក្រុមទី១២ភូមិដាក់សសរ សង្កាត់អូរម៉ាល់ ក្រុងបាត់ដំបងខេត្តបាត់ដំបង ដែលករណីនេះបង្កដោយជនសង្ស័យឈ្មោះ ផល សំណាង ភេទប្រុស អាយុ២៦ឆ្នាំជា(កូនបង្កើត) បានយកកាំបិតកាប់ទៅលើឪពុកបង្កើតរបស់ខ្លួន ឈ្មោះ ទោម សុផល អាយុ ៥៧ឆ្នាំ បណ្តាលឱ្យរងរបួសលេីខ្លួនប្រាណជាច្រេីនកន្លែងព្រមទាំងកាប់ទៅលេីប្អូនបង្កើតម្នាក់ទៀតឈ្មោះ ផល សុវណ្ណឆាយ ភេទប្រុស អាយុ១៩ឆ្នាំបណ្តាលឱ្យរងរបួសដែរក្នុងពេលដែលប្អូនប្រុសរូបនេះចូលទៅជួយឃាត់ ។
ក្នុងពេលកំពុងធ្វេីសកម្មភាពត្រូវបានអ្នកជិតខាងនិងនគរបាលមូលដ្ឋានធ្វេីអន្តរាគមន៍ឃាត់ខ្លួនជនសង័្សយខាងលេីនាំមកកាន់អធិការដ្ឋាននគរបាលក្រុងបាត់ដំបងដេីម្បីធ្វេីការស្រាវជ្រាវ។
លោកវរសេនីយ៍ឯក ឆាង វណ្ណឆៃ អធិការនគរបាលក្រុងបាត់ដំបង បានបញ្ជាក់ថា កូនចិត្តតិរច្ឆានមួយនេះឱ្យតែឃេីញមុខឪពុករបស់ខ្លួនដឹងតែ ចងកំហឹងដាក់ភ្លាម ហេីយករណីបែបនេះពីមុនមកក៏ធ្លាប់កេីតមានដែរ តែលេីកនេះដោយអនុវត្តតាមបទបញ្ជារបស់ឯកឧត្តម ឧត្តមសេនីយ៍ទោ អ៊ុច សុខុន ស្នងការនៃស្នងការដ្ឋាននគរបាលខេត្តបាត់ដំបង ជនសង័្សយត្រូវបានសមត្ថកិច្ចនគរបាលក្រុងបាត់ដំបង ឃាត់ខ្លួនបញ្ជូន ទៅតុលាការដេីម្បីអនុវត្តទោសទៅតាមផ្លូវ ច្បាប់៕(រូបភាពនគរបាលក្រុងបាត់ដំបង)
