ក្រុមអ្នកវិទ្យាសាស្ត្រចិន រកឃើញមេរោគថ្មី ២ ប្រភេទ ដែលបានបំបែកខ្លួនចេញពី COVID-19
ប៉េកាំង៖ ក្រុមអ្នកវិទ្យាសាស្ត្រចិនបានរកឃើញមេរោគថ្មីចំនួន ២ ប្រភេទ ដែលបានបំបែកខ្លួនចេញពី COVID-19 ក្នុងនោះមានដូចជា ប្រភេទ S-cov និងប្រភេទ L-cov ។
យោងតាមក្រុមអ្នកវិទ្យាសាស្ត្របានឱ្យដឹងថា មេរោគប្រភេទ L-cov គឺមានឥទ្ធិពលជាង S-cov ដោយសារតែវាមានកម្រិតក្នុងចម្លងជាជំងឺខ្ពស់ ហើយជាពិសេសវាអាចទៅបំផ្លាញប្រព័ន្ធផ្លូវដង្ហើមរបស់មនុស្សបាន។
អ្នកវិទ្យាសាស្ត្រម្នាក់បានលើកឡើងថា អ្នកជំងឺភាគច្រើនបានឆ្លងមេរោគតែមួយប្រភេទ ក្នុងចំណោមមេរោគទាំង ២ ប្រភេទខាងលើប៉ុណ្ណោះ។ ប៉ុន្តែ បើយោងតាមគំរូវិភាគអ្នកជំងឺជនជាតិអាមេរិកម្នាក់ ដែលបានធ្វើដំណើរទៅទីក្រុងវូហានថ្មីៗនេះ បានបង្ហាញឱ្យឃើញថា គាត់ប្រហែលជាឆ្លងមេរោគទាំង ២ ប្រភេទនេះ។
លោក Yang Zhanqiu ដែលជាអ្នកជំនាញខាងរោគសាស្ត្រនៅមន្ទីរពេទ្យក្នុងទីក្រុងវូហានប្រទេសចិន បានប្រាប់កាសែត Global Times កាលពីថ្ងៃពុធថា៖ជាធម្មតាអ្នកជំងឺម្នាក់ អាចឆ្លងមេរោគដែលបានបំបែកខ្លួនចេញពី COVID-19 បានតែមួយប្រភេទតែប៉ុណ្ណោះ ពីព្រោះមេរោគប្រភេទផ្សេងគ្នា គឺវានឹងប្រឆាំងគ្នា។Yang Zhanqiu
លោក Yang Zhanqiu បាននិយាយទៀតថា៖មេរោគប្រភេទថ្មីនេះ គឺវាទំនងអាចនឹងរៀនសម្របខ្លួនរស់នៅក្នុងមជ្ឈដ្ឋានខុសៗគ្នា ដែលអាចឱ្យវាបំបែកខ្លួនចេញពី COVID-19 បាន មុនពេលវាអាចចម្លងដល់មនុស្ស។ លោក Yang ក៏បានបញ្ជាក់ផងដែរថា មេរោគប្រភេទថ្មីៗ អាចនឹងបន្តបំបែកខ្លួននៅពេលខាងមុខបន្ថែមទៀត ខណៈពេលដែលវាចេះតែបន្តចម្លងរាលដាលដល់មនុស្សពាសពេញពិភពលោក៕Yang Zhanqiu
អត្ថបទ៖ https://www.khmerload.com/
