ឃាត់ខ្លួនជនសង្ស័យ ០២នាក់ ករណីអំពេីលួចមានស្ថានទម្ងន់ទោស( ឆក់ការបូប )
សៀមរាប÷ បន្ទាប់ពីទទួលបានព័ត៌មាន និងពាក្យបណ្តឹង ពីជនរងគ្រោះ និងដោយមានការយកចិត្តទុកដាក់ខ្ពស់ជាប្រចាំ ពីសំណាក់លោកឧត្តមសេនីយ៍ទោ តេង ច័ន្ទណាត ស្នងការនៃស្នងការដ្ឋាននគរបាលខេត្តសៀមរាប និងក្រោមការបញ្ជារដឹកនាំជំនាញផ្ទាល់ពីលោកឧត្តមសេនីយ៍ត្រីភឹង ចិន្តារ៉េត ស្នងការរងទទួលផែននគរបាលព្រហ្មទណ្ឌ និងលោកឧត្តមសេនីយ៍ត្រី អ៊ុំ ចំរេីន ស្នងការរងទទួលដឹកនាំការិយាល័យនគរបាលព្រហ្មទណ្ឌកម្រិតស្រាល និងក្រោមការសម្របសម្រួលនីតិវិធីពីឯកឧត្តម មាស ច័ន្ទពិសិដ្ឋ ព្រះរាជអាជ្ញាអមសាលាដំបូងខេត្តសៀមរាប កម្លាំងនគរបាលស្រុកប្រាសាទបាគង សហការជាមួយកម្លាំងនគរបាលការិយាល័យព្រហ្មទណ្ឌកម្រិតស្រាល នៃស្នងការដ្ឋាននគរបាលខេត្តសៀមរាប បានបើកការស្រាវ ជ្រាវ ករណី អំពេីលួចមានស្ថានទម្ងន់ទោស( ឆក់ការបូប ) ត្រង់ចំណុចខាងមុខបុរីទេសចរណ៍ ស្ថិតក្នុងភូមិគោកត្នោត ឃុំកណ្ដែក ស្រុកប្រាសាទបាគង កាលពីថ្ងៃទី១៩ ខែមករា ឆ្នាំ២០២៣កន្លងទៅ លេីជនរងគ្រោះឈ្មោះ វេត ពេញច័ន្ទ ភេទស្រី អាយុ២៥ ឆ្នាំ មានទីលំនៅភូមិស្ពានក្អែក ឃុំកណ្ដែក ស្រុកប្រាសាទបាគង ខេត្តសៀមរាប រហូតដល់ថ្ងៃទី២៤ ខែមករា ឆ្នាំ២០២៣ យើងបានការកំណត់ អត្តសញ្ញាណ និងនាំខ្លួនជនសង្ស័យព្រមទាំងបក្សពួកជាបន្តបន្ទាប់ យកមកធ្វើការសាកសួរនាំ ÷
-ជនសង្ស័យទី១/ឈ្មោះ រុំ សុីណារិទ្ធ ហៅមករា ភេទប្រុស អាយុ១៨ ឆ្នាំ ទីលំនៅបច្ចុប្បន្ន ភូមិមណ្ឌល៣ សង្កាត់ស្លក្រាម ក្រុងសៀមរាប ខេត្តសៀមរាប ។
-ជនសង្ស័យទី២/ឈ្មោះ មាស ច័ន្ទរតនៈ ភេទប្រុស អាយុ ២៧ ឆ្នាំ ទីលំនៅបច្ចុប្បន្ន ភូមិខ១ សង្កាត់ច្រាំងចំរេះ២ ខណ្ឌឫស្សីកែវ រាជធានីភ្នំពេញ ។
ដកហូតវត្ថុតាងបាន
-ទូរស័ព្ទដៃ០១គ្រឿងម៉ាកIphone 7 (បានប្រគល់ជូនជនរងគ្រោះវិញ) ។
បច្ចុប្បន្ន ជនសង្ស័យ ត្រូវបានកម្លាំងការិយាល័យជំនាញ រៀបចំសំណុំរឿងតាមនីតិវិធី បញ្ជូនទៅសាលាដំបូងខេត្តសៀមរាបដើម្បីចាត់ការតាមផ្លូវច្បាប់ ៕
