ឃាត់ខ្លួនបុរសវ័យប្រហែល៦០ ឆ្នាំម្នាក់ ពីបទរំលោភសេពសន្ថវៈបានសម្រេច ៣ដងហើយពេលធ្វើសកម្មភាពតែងយកកន្សែងមកក្រាលកុំឲ្យឈឺខ្នង
ខេត្តបាត់ដំបង ៖ បុរសវ័យប្រហែល ៦០ ឆ្នាំម្នាក់ ត្រូវបានសមត្ថកិច្ចមូលដ្ឋានចុះឃាត់ខ្លួនតាមបណ្ដឹងរបស់ម្ដាយនារីម្នាក់ បន្ទាប់ពីរឿងអាស្រូវផ្លូវភេទត្រូវបានបែកធ្លាយ ។
សមត្ថកិច្ចឲ្យដឹងថាកាលពីថ្ងៃទី១៨ ខែសីហា ឆ្នាំ២០២០ វេលាម៉ោង ១០ ព្រឹក ស្ត្រីវ័យ ៤១ ឆ្នាំ រស់នៅភូមិអូរដារ ឃុំបួរ ស្រុកភ្នំព្រឹក ខេត្តបាត់ដំបង បានចូលខ្លួនទៅដាក់ពាក្យបណ្ដឹងនៅប៉ុស្តិ៍នគរបាលរដ្ឋបាល បួរ ដោយបានចោទប្រកាន់ទៅលើបុរសវ័យ ៦០ ឆ្នាំ ឈ្មោះ ហេង រស់នៅជិតខាងគ្នា ថាបានចាប់រំលោភកូនស្រីរបស់គាត់ឈ្មោះ ស ស ឡ អាយុ២៤ ឆ្នាំ រហូតបានសម្រេចចំនួន ៣ លើក ។័
នៅចំពោះមុខសមត្ថកិច្ច ជនរងគ្រោះ ឈ្មោះ ស ស ឡ ភេទស្រី អាយុ ២៤ ឆ្នាំ បានបញ្ជាក់ឲ្យដឹងថា កាលពីថ្ងៃទី ២៣ ខែកក្កដា ឆ្នាំ ២០២០ កន្លងទៅ វេលាម៉ោងប្រហែល ១២ ថ្ងៃត្រង់ គឺនៅពេលដែលនាង នៅផ្ទះជាមួយប្អូនស្រីគឺ ឈ្មោះ តាហេង អាយុប្រហែល ៦០ ឆ្នាំជាងបានដើរមកបបួលនាងទៅក្រោយផ្ទះមានការបន្តិច ដែលមានចម្ងាយប្រហែល ៣០ ម៉ែត្រពីផ្ទះ ។
នារីរូបនេះបន្តថា នៅពេលដែលគាត់ដើរទៅដល់ព្រៃខាងក្រោយផ្ទះ គាត់ក៏បានចាប់ថើបខ្លួន និងលូករាវពេញដើមទ្រូង បន្ទាប់មកក៏បានធ្វើសកម្មភាពចាប់រំលោភសេពសន្ថវៈលើរូបនាង រហូតបានសម្រេចតែម្ដង ។
លុះនៅលើកទី ២ គឺនៅក្នុងអំឡុង ខែកក្កដា ពេលថ្ងៃត្រង់ តាហេង បានហៅខ្លួនទៅក្រោយផ្ទះម្តងទៀត(កន្លែងចាស់) ហើយបានធ្វើសកម្មភាពចាប់រំលោភសេពសន្ថវៈលើរូបនាងបានសម្រេចម្ដងទៀត ។
ដោយឡែកនៅលើកទី ៣ គឺនៅថ្ងៃទី ១៥ ខែសីហា ថ្មីៗនេះ នៅវេលាម៉ោងប្រហែល ៥ ល្ងាច នៅកន្លែងដដែលទៀតpហើយរាល់ការចាប់រំលោភ គឺ តាហេង តែងយកកន្សែងមកក្រាលកុំឲ្យឈឺខ្នង ។
លុះនៅថ្ងៃទី ១៦ ខែសីហា ឆ្នាំ ២០២០ វេលាម៉ោង ១១ ថ្ងៃត្រង់ ឪពុក ម្ដាយរបស់ខ្លួនចេះតែសង្ស័យ ហើយបានដឹងក៏ទៅដាក់ពាក្យប្តឹងតែម្តង ៕
