ឃាត់ខ្លួនឪពុកចុងប្រើហឹង្សាលើកូនចុងបណ្តាលអោយរងរបួស

ខេត្តក្រចេះ: កាលពីថ្ងៃ២១ ខែកក្កដា ឆ្នាំ២០២០​​ វេលាម៉ោង​ ១៥:៣០នាទី កម្លាំងនគរបាលក្រុងក្រចេះ​ បានធ្វេីការឃាត់ខ្លួនឈ្មោះ​ ហ៊ាង​ វ៉ា ភេទប្រុស អាយុ ៤០ឆ្នាំ ជនជាតិខ្មែរ មានទីលំនៅភូមិកន្ទ្រីង​ សង្កាត់អូរឬស្សី ក្រុងក្រចេះ ខេត្តក្រចេះ ពាក់ពន្ធ័ករណីហិង្សាដោយចេតនា(មានស្ថានទម្ងន់ទោស) ប្រព្រឹត្តនៅភូមិកន្ទ្រីង សង្កាត់អូរឬស្សី ក្រុងក្រចេះ​ ខេត្តក្រចេះ។


​ មុនពេលកេីតហេតុៈ​ ២១.០៧.២០២០​ ម៉ោងជាង១១ព្រឹក​ កុមារីរងគ្រោះឈ្មោះ ពៅ​ ស្រីណុច អាយុ​ ៥ឆ្នាំ រស់នៅកន្លែងកេីតហេតុខាងលេី​(កូនចុង)​ ដេីរទៅលេងផ្ទះពូរបស់ខ្លួន(ផ្ទះក្បែរគ្នា)​ ត្រូវបានឈ្មោះ​ ហ៊ាង​ វ៉ា(ឪពុកចុង)​ ហាមឃាត់មិនអោយទៅលេងកន្លែងនោះ​ និងបានប្រេីហិង្សាវាយដុំមកលេីកុមារីរងគ្រោះឈ្មោះ ពៅ​ ស្រីណុច​ បណ្តាលអោយរងរបួស​ និងយកទៅសង្គ្រោះនៅមន្ទីរពេទ្យបង្អែកខេត្តក្រចេះ​ ចំណែកឈ្មោះ​ ហ៊ាង​ វ៉ា​ រត់គេចខ្លួន។ ពេលទទួលបានព័ត៌មានភ្លាមសមត្ថកិច្ចយេីងបានចុះទៅដល់កន្លែងកេីតហេតុ​ និងបានធ្វេីការឃាត់ខ្លួនជនសង្ស័យខាងលេីនៅភូមិច្រវ៉ា​ ឃុំគោលាប់​ ស្រុកចិត្របុរី​ ខេត្តក្រចេះ។
​ បច្ចុប្បន្នជនសង្ស័យរូបនេះ​កំពុងឃាត់ខ្លួនជាបណ្តោះអាសន្ននៅអធិការដ្ឋាននគរបាលក្រុងក្រចេះ ដើម្បីបំពេញនីតិវិធី។

Book Bus Ticket Online With LankrongTicket.com Book Bus Ticket Online