ចាប់ខ្លួនតាមអំណាចដីកាតុលាការខេត្តបាត់ដំបងក្នុងករណីលួចដោយប្រេីហិង្សាមានស្ថានទម្ងន់ទោស
ខេត្តបាត់ដំបង៖នៅថ្ងៃ អង្គារ ៨ រោចខែអាសាឍឆ្នាំជូតទោស័កព.ស.២៥៦៤ត្រូវនឹងថ្ងៃទី១៤ខែកក្កដាឆ្នាំ២០២០វេលាម៉ោង៨និង៣០នាទីនៅមូលដ្ឋានភូមិព្រែកទាល់ ឃុំកោះជីវាំង ស្រុកឯកភ្នំខេត្តបាត់ដំបង អនុវត្តតាមមតិដឹកនាំរបស់ឯកឧត្តម ឧត្តមសេនីយ៍ ទោ អ៊ុច សុខុន ស្នងការនៃស្នងការដ្ឋាននគរបាលខេត្តបាត់ដំបងព្រមទាំងអនុវត្តតាមការណែនាំជំនាញពីលោកវរសេនីយ៍ទោ លឹម ពុទ្ធីឡា ស្នងការរងផែនការងារនគរបាលព្រហ្មទ័ណ្ឌ លោកវរសេនីយ៍ឯក ឡុង យោធាវីរ: អធិការនគរបាលស្រុកឯកភ្នំ ជម្រុញដឹកនាំកម្លាំងផ្នែកជំនាញនៃអធិការដ្ឋានរួមដោយនគរបាលប៉ុសិ្តរដ្ឋបាលអនុវត្តដីកាបង្គាប់ឱ្យចាប់ខ្លួនលេខ ៥២២ ត.ព្រ ចុះថ្ងៃទី២៥ខែ មិថុនាឆ្នាំ២០២០ របស់ចៅស៊េីបសួរសាលាដំបូងខេត្តបាត់ដំបងលោក ញូង ចន្ធីឱ្យចាប់ខ្លួនជនត្រូវចោទឈ្មោះចន ម៉ាប់ ភេទប្រុស អាយុ ២៧ ឆ្នាំ មានទីលំនៅភូមិព្រែកទាល់ ឃុំកោះជីវាំងស្រុកឯកភ្នំ ខេត្តបាត់ដំបង ត្រូវចោទប្រកាន់ ពីបទ លួចដោយប្រើហិង្សាមានស្ថានទម្ងន់ទោសកាលពីថ្ងៃទី ២០ខែ ធ្នូ ឆ្នាំ២០១៧ នៅភូមិព្រែកទាល់ ឃុំកោះជីវាំង ស្រុកឯកភ្នំ ខេត្តបាត់ដំបង។
ជនត្រូវចោទរូបនេះនគរបាលស្រុកបានបញ្ជូនមកការិយាល័យជំនាញដេីម្បីអនុវត្តបន្តតាមនីតិវិធី៕(រូបភាពនគរបាលស្រុកឯកភ្នំ)
