ដាក់​កំហិត​ហើយ! Apple Store ទូទាំង​ប្រទេស​ចិន​​នឹង​ត្រូវ​បិទ​ទ្វារ រហូតដល់ថ្ងៃ ៩ ​កុម្ភៈ

ក្រុមហ៊ុន​ Apple បាន​ប្រកាស​សេចក្ដីថ្លែងការណ៍​ផ្លូវការ​មួយ​កាល​ពី​ពេល​ថ្មីៗ​នេះ ជុំវិញ​ការ​កំណត់​ឲ្យ​ហាង​លក់ Apple Store ទាំង​អស់​នៅ​ទូទាំង​ប្រទេស​ចិន ត្រូវ​បិទ​ផ្អាក​ដំណើរការ​ឲ្យ​បាន​ទាំង​ស្រុង​យ៉ាង​យូរ​ត្រឹម​ថ្ងៃ​ទី ៩ ​កុម្ភៈ ឆ្នាំ ២០២០ នេះ។

ជា​សារ​ឆ្លើយតប​ទៅ​នឹង​ការ​គំរាម​កំហែង​កាន់​តែ​ខ្លាំង​ឡើង​ពី​ការ​រាតត្បាត​នៃ​វីរុស​កូរ៉ូណា និង​ការ​ប្រកាស​អាសន្ន​របស់​អង្គការ​សុខភាព​ពិភពលោក ឲ្យ​មនុស្ស​គ្រប់​បណ្តា​ប្រទេស​និង​នៅ​ប្រទេស​ដែល​កំពុង​កើត​មាន​វីរុស​នេះ​ត្រូវ​មាន​ការ​ប្រុងប្រយ័ត្ន​ខ្ពស់។

គួរ​បញ្ជាក់​ថា​ការ​ផ្អាក​ដំណើរការ​នេះ បិទ​ទ្វារ​តែ​ហាង​ទូទៅ​ប៉ុណ្ណោះ ដោយ​ឡែក​ Apple Online Store ក្នុង​ប្រទេស​ចិន​នៅ​បើក​ឲ្យ​ដំណើរការ​ជា​ធម្មតា​ដដែល។

កន្លង​ទៅ​ក៏​មាន​ចចាមអារ៉ាម​ថា​រោងចក្រ​របស់ Foxconn ​ដែល​ត្រូវ​ផលិត​ iPhone 9 និង AirPods ប្រឈម​ការ​ផ្អាក​ដំណើរការ តែ​ក្រោយ​មក​ក៏​ត្រូវ​បាន​អ្នកនាំពាក្យ Foxconn ចេញ​មុខ​ច្រាន​ចោល​ ថា​មិនមែន​ការ​ជា​ពិត​ឡើយ គ្រាន់​តែ​សម្រាក​ សម្រប​ទៅ​នឹង​ថ្ងៃ​ចូល​ឆ្នាំ​ចិន​ដែល​រដ្ឋាភិបាល​ពន្យារ​បន្ថែម​តែ​ប៉ុណ្ណោះ៕

ប្រភព៖ GSMarena   ប្រែ​សម្រួល៖ http://news.sabay.com.kh/

Book Bus Ticket Online With LankrongTicket.com Book Bus Ticket Online