ដោះស្រាយកំហឹងទាញយកម៉ាស៊ីនថតរូបវាយក្បាលប្អូនប្រុសបង្កេីតឱ្យរងរបួសត្រូវសមត្ថកិច្ចឃាត់ខ្លួនអនុវត្តតាមផ្លូវច្បាប់

ក្រុងបាត់ដំបង៖ កាលពីថ្ងៃ​ព្រហស្បតិ៍​៨កេីត​ខែ​មាឃ​ឆ្នាំ​ឆ្លូវ​ត្រី​ស័ក​ព.ស.២៥៦៥​ត្រូវនឹងថ្ងៃទី​០៩​ ខែ​កុម្ភៈ​ ឆ្នាំ​២០​២២វេលាម៉ោង​១៩​និង៣០នាទីមានករណីហិង្សាក្នុងគ្រួសារ​ដោយចេតនាមានស្ថានទម្ងន់​ទោសមួយកើតឡើងត្រង់ចំ​ណុច ក្រុម ទី០៣ ភូមិគោក​ពន្លៃ សង្កាត់​អូរម៉ាល់ ក្រុងបាត់ដំបង ដែល​បង្កដោយជនសង្ស័យ ឈ្មោះ អុិន ហ៊ាង ហៅ សំ​អាត ភេទប្រុស អាយុ៤០​ឆ្នាំ មានទីលំនៅភូមិគោកពន្លៃ សង្កាត់អូរ ម៉ាល់ ក្រុងបាត់ដំបង ខេត្តបាត់ដំបង បានយកម៉ាស៊ីនថត វាយក្បាលជនរងគ្រោះត្រូវជាប្អូនបង្កើត ឈ្មោះ អុិន ហ៊ាន ហៅ យ៉ាត ភេទប្រុស អាយុ ៣៧ឆ្នាំ មានទីលំនៅភូមិសង្កាត់ខាង​លើបណ្តាលឱ្យរងរបួសត្រង់ក្បាល ។

បន្ទាប់ពីពេលកេីតហេតុជនរងគ្រោះបានដាក់ពាក្យបណ្តឹងចូលមកសមត្ថកិច្ចនគរបាលក្រុងបាត់ដំបងសុំឱ្យសមត្ថកិច្ចអនុវត្តតាមច្បាប់ចំពោះសកម្មភាពរបស់បងបង្កេីតនេះ​ ហេីយនោថ្ងៃទី១១​ខែ​កុម្ភៈ​ឆ្នាំ​២០២២​ អនុវត្តយោបល់ដឹកនាំរបស់លោកឧត្តមសេនីយ៍ទោ​ សាត​ គឹមសាន​ ស្នងការ​នៃស្នងការដ្ឋាននគរ​បាលខេត្តបាត់ដំបង​ និង​យោបល់លោកវរសេនីយ៍ឯក​ លឹម​ ពុទ្ធីឡា​ ស្នងការរងផែនការងារនគរបាលព្រ​ហ្មទ័ណ្ឌ​ លោកវរសេនីយ៍ឯក​ ពេជ្រ​ សារ៉ែន​ អធិការនគរបាលក្រុងបាត់ដំបង​បានដឹកនាំកម្លាំងផ្នែកជំនាញរួមជាមួយកម្លាំងប៉ុស្តិ៍នគរបាលរដ្ឋបាលអូរម៉ាល់​នាំខ្លួនជនបង្កខាងលេីមកសាកសួរនិងសម្រេចឃាត់ខ្លួនដេីម្បីអនុវត្តតាមនីតិវិធី​ ច្បាប់។

បច្ចុប្បន្នះជនសង្ស័យនគរបាលបានរៀបចំ​សំ​ណុំរឿងបញ្ជូនមកការិយាល័យ ជំនាញអនុវត្តបន្តតាមនីតិវិធី​ ច្បាប់ហេីយ៕

Book Bus Ticket Online With LankrongTicket.com Book Bus Ticket Online