ទំនិញខូចគុណភាពប្រមាណ​ ៣តោនត្រូវបានមន្ត្រី ក.ប.ប ដុតកម្ទេចចោល

(ខេត្តស្វាយរៀង​)៖​ ដោយបានអនុវត្តនូវតួនាទី​ និងភារកិច្ចរបស់ខ្លួនក្នុងការការពារផលប្រយោជន៍​ និងសុខុមាលភាពរបស់បងប្អូនប្រជាពលរដ្ឋ​ មន្ត្រីក.ប.ប.​ បានចុះត្រួតពិនិត្យទំនិញតាមបណ្ដា​ផ្សារ​ ហាងលក់ទំនិញ​ សិប្បកម្មផលិត​ និងឃ្លាំងស្តុកនានា​ និងបានរកឃេីញ​ ដកហូត​ និងដុតកម្ទេចទំនិញខូចគុណភាពជាបន្តបន្ទាប់។ ជាក់ស្ដែង​ នៅថ្ងៃទី៦​ ខែមករា​ ឆ្នាំ២០២២នេះ​ មន្ត្រីក.ប.ប.​ ប្រចាំខេត្តស្វាយរៀងបានធ្វេីការដុតកម្ទេចទំនិញខូចគុណភាពចំនួន​ ៣,២៤៣.២៨គីឡូក្រាម​ ដែលបានរកឃេីញ​ និងដកហូតពីទីផ្សារ​ និងឃ្លាំងស្តុក​នានាក្នុងខេត្តស្វាយរៀងកន្លងមក។ សកម្មភាពនេះ​ក៏ត្រូវបានចូលរួមពីព្រះរាជអជ្ញារង​អមសាលាដំបូងខេត្តស្វាយរៀង​ អភិបាលរងនៃគណៈអភិបាលខេត្តស្វាយរៀង​ និងមន្ទីរពាណិជ្ជកម្មខេត្តស្វាយរៀងផងដែរ៕

 

Book Bus Ticket Online With LankrongTicket.com Book Bus Ticket Online