នគរបាលបង្រ្កាបករណីល្បែងភ្នាល់ជល់មាន់មួយករណីនៅស្រុកសង្កែខេត្តបាត់ដំបង និង ឃាត់ខ្លួនមនុស្សចំនួន០៧នាក់អនុវត្តតាមច្បាប់
នៅថ្ងៃ ពុធ ៧រោច ខែមាឃឆ្នាំឆ្លូវត្រីស័កព.ស.២៥៦៥ត្រូវនឹងថ្ងៃទី ២៣ ខែ កុម្ភៈ ឆ្នាំ២០២២ វេលា ម៉ោង ១៤និង៤០ នាទី នៅចំណុចចំការក្រូចឆ្មាស្ថិតក្នុងភូមិសំរោងកោង ឃុំអូរដំបង១ ស្រុកសង្កែ ខេត្តបាត់ដំបង ដោយ អនុវត្តតាមបទបញ្ជារបស់លោកឧត្តមសេនីយ៍ទោ សាត គឹមសាន ស្នងការ នៃស្នងការដ្ឋាននគរបាលខេត្តបាត់ដំបង ក៏ដូចយោបល់លោកវរសេនីយ៍ឯក លឹមពុទ្ធីឡា ស្នងការរង ផែនការងារនគរបាលព្រហ្មទណ្ឌ និងដោយបានការសម្របសម្រួលទៅលេីនីតិវិធីពី ឯកឧត្ដម កែវ សុជាតិ ព្រះរាជអាជ្ញា នៃអយ្យការអមសាលាដំបូងខេត្តបាត់ដំបងផងនោះ លោកវរសេនីយ៍ឯក ឈឿង គឹមសុងនាយការិយាល័យ នគរបាលព្រហ្មទណ្ឌកម្រិតស្រាល បានដឹកនាំកម្លាំង ក្រុមអន្តរាគមន៍ បង្ការ បង្ក្រាប ចុះប្រតិបត្តិការបង្ក្រាបករណីល្បែងស៊ីសង( ភ្នាល់មាន់ជល់) ០១ករណី និងបានធ្វេីការនាំខ្លួនមនុស្សចំនួន ០៧នាក់ មកកាន់ស្នងការដ្ឋានដេីម្បីសាកសួរស្រាវជ្រាវ ។ វត្ថុតាងដកហូតរួមមាន ៖
- មាន់ជល់ចំនួន ០២ ក្បាល
- ជញ្ជីងសម្រាប់ថ្លឹងមាន់ជល់ចំនួន ០១
- សង្វៀនសម្រាប់ជល់មាន់ចំនួន ០២
- ឆ្នាំងដាំទឹកសម្រាប់ស្អំមាន់ជល់ចំនួន ០១
- ម៉ូតូចំនួន ០២ គ្រឿង
បច្ចុប្បន្នការិយាល័យជំនាញកំពុងធ្វេីការសាកសួរស្រាវជ្រាវនិងចាត់ការបន្តតាមនីតិវិធី ច្បាប់៕
