នគរបាលស្រុកកំរៀងឃាត់ខ្លួនជនសង័្សយចំនួន០១នាក់ក្នុងករណីហិង្សាបំផ្លាញទ្រព្យសម្បត្តិអ្នកដទៃ

កាលពីថ្ងៃ​ ព្រហស្បតិ៍​ ៨កេីត​ខែ​ផល្គុន​ឆ្នាំឆ្លូវត្រីស័ក​ ព.ស.២០២២ត្រូវនឹងថ្ងៃទី១០ ខែមីនាឆ្នាំ២០​២២វេលាម៉ោង​៨​និង​០០នាទី​ អនុវត្តតាមមតិដឹកនាំរបស់លោក​ ឯកឧត្តម​សេនីយ៍ទោ​ សាត​ គឹមសាន​ ស្នងការនៃស្នងការដ្ឋាននគរ​បាលខេត្តបាត់​ដំបង​ រួមនឹងយោបល់លោកវរសេនីយ៍ឯក​ លឹម​ ពុទ្ធីឡា​ ស្នងការរងផែនការងារនគរបាលព្រ​ហ្មទ័ណ្ឌ​ លោកវរសេនី​យ៍​ទោ​ វេ​ គឹមចត់​ អធិការនគរ​បាលស្រុកកំរៀង​ បា​ន​ដឹកនាំធ្វេីការឃាត់ខ្លួនជនសង័្ស​យ​ចំនួន​០១នាក់ឈ្មោះ​ យ៉ុម រដ្ឋាហៅអេត ភេទប្រុសអាយុ ២៣​ ឆ្នាំរស់នៅភូមិអូរដាលើ ឃុំបឹងរាំង ស្រុកកំរៀង ខេត្តបាត់ដំបង នាំមកធ្វេីការសាកសួរនៅអធិការដ្ឋាននគរបាលស្រុកកំ​រៀង ទាក់​ទងនឹងករណីហិង្សាដោយចេតនានិងធ្វេីឱ្យខូចខាតដោយចេតនាមានស្ថានទម្ងន់​ទោស។

សូមជម្រាបជូនថា​ កាលពីថ្ងៃទី​ ៨ខែ​ មីនា​ឆ្នាំ​២០២២​ វេលាម៉ោង១៦និង២០​នាទីនៅចំណុចក្រុមទី០៨ភូមិ ថ្មីឃុំត្រាង ស្រុកកំរៀង ខេត្តបាត់ដំបង មានករណី​ហិង្សាដោយចេតនានិងធ្វើឱ្យខូចខាតដោយចេតនាមានស្ថានទម្ងន់​ទោស មួយកើតឡើងដែលករណីនេះប្រព្រឹត្តដោយជនសង្ស័យមួយក្រុមមិនស្គាល់អត្តសញ្ញាណ បាន​ប្រើប្រាស់ដាវសាំម៉ូរ៉ៃ ដេញកាប់ទៅលើជនរងគ្រោះ​ តែដេញកាប់មិនបានក្រុមជនសង័្សយបានកាប់ម៉ូតូមួយគ្រឿងម៉ាកហុងដាឌ្រីមសេ125 ពណ៌​ខ្មៅលេខតួលេខម៉ាស៊ីន 8677690​ជារប​ស់​ជនរងគ្រោះឈ្មោះ ឃីម សម្បត្តិ​ ភេទប្រុស អាយុ១៩ឆ្នាំរស់​នៅ​ភូមិបឹងរាំង ឃុំបឹងរាំង ស្រុកកំ​រៀង ខេត្តបាត់ដំបងមានមុខរបរជាកម្មករ បណ្ដាលឱ្យម៉ូតូមួយគ្រឿងខូចខាត​ដោយអន្លេី​ ។

នៅក្រោយកើតហេតុជនរងគ្រោះបានដាក់ពាក្យបណ្តឹងចូលមកសមត្ថកិច្ចនគរបាល​ ហេីយតាមរ​យៈការស្រាវ​ជ្រាវសមត្ថកិច្ចបាននាំខ្លួនជន​សង្ស័យខាងលេីមកធ្វេីការស្រាវ​ជ្រាវ។

ករណីខាងលើនេះសមត្ថកិច្ចបានកសាងសំ​ណុំរឿងបញ្ជូនមកការិយាល័យជំនាញដើម្បីចាត់ការ​បន្តតាមនីតិវិធី​ ច្បាប់៕

Book Bus Ticket Online With LankrongTicket.com Book Bus Ticket Online