នគរបាលស្រុកថ្មគោលបង្រ្កាបករណីលួច​មានស្ថានទម្ងន់ទោស(ឆក់កាបូប)តាមដងផ្លូវមួយករ​ណីឃាត់ខ្លួនជនសង័្សយចំនួនម្នាក់

នៅថ្ងៃពុធ​ ១៥កេីត​ ខែ​មាឃ​ឆ្នាំ​ឆ្លូវ​ត្រីស័ក​ព.ស.​២៥៦៥​ ត្រូវនឹងថ្ងៃទី​១៦ខែ​ កុម្ភៈ​ ឆ្នាំ​២០២២ វេលា​ម៉ោង១​២និង​៤០​នាទី អនុវត្តតាមយោបល់បញ្ជាដឹកនាំរបស់លោកឧត្តមសេនីយ៍ទោ​ សា​ត​​ គឹម​សាន​ ស្នងការនៃស្នងការដ្ឋាននគរ​បាលខេត្តបាត់​ដំបង​ រួមនឹងយោបល់លោកវរសេនីយ៍ឯក​ លឹម​ ពុទ្ធីឡា​ស្នង​ការរងផែនការងារនគរបា​លព្រ​ហ្មទ័ណ្ឌ​ និងដោយបានការសម្របសម្រួលលេីនីតិវិធីពីឯកឧត្តម​ កែវ​ សុ​ជាតិ​ ព្រះរា​ជអាជ្ញានៃអយ្យ​ការអមសាលាដំបូងខេត្តបាត់ដំបងផង​នោះ​ លោក​វរសេនី​យ៍​ទោ​ សេង​ លុច​ អធិ​ការនគរ​បាលស្រុកថ្មគោល​ បានដឹក​នាំកម្លាំងផ្នែកជំនាញធ្វេីការឃាត់ខ្លួនមុខសញ្ញាជាជនសង្ស័យចំនួន​០១​នាក់ឈ្មោះ ចាន់ ភារម្យ ភេទប្រុសអាយុ​១៨ឆ្នាំ រស់នៅភូមិនិគមក្រៅ ឃុំជ្រោយស្តៅ ស្រុកថ្ម​គោល ខេត្តបាត់ដំ​បង​ ដោយ​នាំមកកាន់អធិការដ្ឋាននគរបាលស្រុកថ្មគោលដើម្បីសាកសួរទាក់​ទង​នឹងករណីលួចដោយ​មាន​ស្ថានទម្ងន់​ទោស​(ឆក់កាបូប)តាមដងផ្លូវ។

មូលហេតុដែលឈានដល់ការឃាត់​ខ្លួននេះគឺកាលពីថ្ងៃទី៧ខែ​កុម្ភៈ​ឆ្នាំ​២០​២២កន្លងទៅថ្មីៗនេះនៅចំណុចក្រុមទី២៥ ភូមិកៀនកែស២ ឃុំគោកឃ្មុំ ស្រុកថ្មគោល ខេត្តបាត់ដំបង​ មានករ​ណី​លួចដោយមានស្ថានទម្ងន់ទោ​ស​(ឆក់កាបូប)មួយបានកេីតឡេីង​ ដែលករណីនេះជនសង័្សយ​បានធ្វេីសកម្មភាព​(ឆក់កាបូប)ជនរងគ្រោះឈ្មោះ​ សុខ ស្រី ភេទស្រី អាយុ​៤៩​ឆ្នាំ រស់​នៅ​ ភូមិកសិកម្ម ឃុំតាពូង ស្រុកថ្ម​គោល ខេត្តបាត់​ដំប​ង​ ក្នុងពេលជនរងគ្រោះកំពុងជិះម៉ូតូត្រលប់មកពីចូលរួមក្នុងមង្គល់ការមួយ​ក្នុងមូលដ្ឋាន ដែលសម្ភារៈបាត់បង់មាន៖

-កាបូបយួរដៃពណ៌ក្រហមចំនួន០១

-ទូរស័ព្ទម៉ាកអូប៉ូ​ oppo ពណ៌ក្រហ​មចំនួន០​១​គ្រឿងមានស៊ីមលេខ 066 35 1415

-វែនតាពណ៌ខ្មៅចំនួន០១

-កូនកាបូបតូចពណ៌ក្រហមនៅក្នុងកាបូបយួរដៃចំនួន០១។

នៅក្រោយពេលកេីតហេតុជនរងគ្រោះបានដាក់​ពាក្យបណ្តឹងចូលមក​សមត្ថកិច្ចនគរបាល​ ហេីយឆ្លងតាមរយៈការស្រាវជ្រាវ​ ស៊េីបអង្កេតនេះ​ សមត្ថកិច្ចឈានទៅកំណត់មុខសញ្ញាបានរួចសម្រេចធ្វេីការឃាត់ខ្លួនតែ​ម្តង។

ជាមួយការឃាត់ខ្លួននេះ​ នគរបាលធ្វេីការដកហូតរួមមាន៖

-ម៉ូតូ០១គ្រឿងម៉ាកហុងដាឌ្រីម​ពណ៌ខ្មៅស៊េរីឆ្នាំ​២០១៤មានស្លាក​លេខបាត់ដំបង1S-0042 លេ​ខ​តួND125ME 9108134 លេខម៉ា​ស៊ីន​ND1​2​5​ME 9108134 ជាមធ្យោបាយជិះធ្វេីសកម្ម​ភាព។

-កាបូបព៌ណក្រហមនិងទូរស័ព្ទម៉ាកអូប៉ូoppo​ព៌ណក្រហមជារបស់ជនរងគ្រោះ។

នៅពេលនេះសមត្ថកិច្ចនគរបាលស្រុកកំពុងរៀបចំសំណុំរឿងបញ្ជូនជនសង័្សយនិងវត្ថុតាងពាក់ព័ន្ធមកការិយាល័យជំនាញអនុវត្តបន្តតាមនីតិវិធី​ ច្បាប់​ រីឯសម្ភារៈរបស់ជនរងគ្រោះធ្វេីការប្រគល់ជូនម្ចាស់វិញ៕

 

Book Bus Ticket Online With LankrongTicket.com Book Bus Ticket Online