នគរបាលស្រុកបាណន់អនុវត្តដីកា​បង្គាប់ឱ្យចាប់ខ្លួ​ន ជនត្រូវចោទម្នាក់ក្នុងករណីគ្រឿង​ញៀន

នៅថ្ងៃសុក្រ​២កេីត​ ខែមិគសិរ ឆ្នាំខា​លចត្វាស័កត្រូវនឹងថ្ងៃទី២៥ខែ​ វិច្ឆិកា​ឆ្នាំ​២០២២វេលាម៉ោង​៩​និង៣៥នាទីអនុវត្តតាមយោបល់ដឹកនាំរបស់លោ​ក​ឧត្តមសេនីយ៍ទោ​ សាត​ គឹមសាន​ ស្នងការនៃស្នងការដ្ឋាន​នគរបាល​ខេត្តបាត់ដំបង​រួមនឹងយោបល់លោក​ឧត្តមសេនីយ៍​ត្រី​ កុយ​ ហៀង​ ស្នង​ការ​​រងផែ​ន​ការងារប្រឆាំងគ្រឿង​ញៀ​ន​ លោកវរសេនីយ៍​ឯក​ប៉ាន់​ វ៉ាន់នី​ អ​ធិ​ការ​នគរបាលស្រុកបាណន់​ បាន​ដឹកនាំកម្លាំងផ្នែកប្រឆាំងគ្រឿងញៀន រួមជាមួយកម្លាំងប៉ុស្តិ៍នគរបាលរដ្ឋបាលតាគ្រាមនៃអធិការ​ដ្ឋាននគរបាលស្រុ​កបាណន់នៅចំណុចភូមិអូរ​តាញាឃុំតាគ្រាមស្រុកបាណន់ខេត្តបាត់ដំបង (នៅនឹងផ្ទះសម៉ីខ្លួនផ្ទាល់)បានអនុវត្តដីកាបង្គាប់​ឱ្យចាប់ខ្លួននិងឃុំខ្លួនលេខ៥​៩៤​តព្រចុះថ្ងៃទី​១០​ខែកក្ក​ដាឆ្នាំ២០២០របស់ឯកឧត្តម​ ជា​ វណ្ណះ អតីត​ប្រធានក្រុមប្រឹក្សាជំនុំជម្រះនៃសាលាដំបូងខេត្តបា​ត់​​ដំបង ដោយបង្គាប់ឱ្យចាប់ខ្លួននិងឃុំខ្លួន ជនត្រូវចោទឈ្មោះ​ តុប​ គឹមសេ​ងភេទប្រុសអាយុ១៩ឆ្នាំមានទី​លំ​នៅ​ភូមិអូរតាញាឃុំតាគ្រាមស្រុកបាណ​ន់​ខេត្តបាត់ដំបង ជាប់ចោទពីបទជួញដូរដោយខុសច្បាប់នូវសារធាតុញៀ​ន ប្រព្រឹត្តនៅចំនុចភូមិអូរ​តា​ញា​ឃុំតាគ្រាមស្រុកបាណន់ខេត្តបាត់ដំបង កាលពីថ្ងទី០៩ខែធ្នូឆ្នាំ២០២០។

ករណីនេះសមត្ថកិច្ចបាននិងកំពុងក​សា​ងឯក​សារដើម្បីបញ្ជូនមកកាន់ការិយាល័យជំនាញអនុវត្តបន្តតាម​នីតិវិធី៕