នគរបាលស្រុកភ្នំព្រឹករៀបចំសំណុំរឿងបញ្ជូនមុខសញ្ញាជាមេខ្យល់ម្នាក់មកកាន់ការិយាល័យជំ​នាញអនុវត្តតាមផ្លូវច្បាប់

កាលពីថ្ងៃ សុក្រ ៦កើត ខែ មិគសិរ ឆ្នាំឆ្លូវត្រី​ស័ក ព.ស.២៥៦៥ត្រូវនឹងថ្ងៃទី១០ ខែ ធ្នូ ឆ្នាំ២០​២១ វេលាម៉ោង ០៨និង០០នាទី នៅចំណុចច្រកទ្វារព្រំដែលអូររំដួល ស្ថិតក្នុងភូមិអូរថ្មី ឃុំពេជ្រចិន្តា ស្រុកភ្នំព្រឹក ខេត្តបាត់ដំបង អនុវត្តតាម​យោ​បល់ដឹកនាំរបស់លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្ត បាត់ដំបង លោកវរសេនីយ៍ទោ ហេង បារាំង អធិ​ការនគរបាលស្រុកភ្នំព្រឹក បានទទួលប្រជាពល​រដ្ឋ ដែលលួចឆ្លងដែនដោយខុសច្បាប់ចំនួន ១៩​នាក់ ស្រី ១៤នាក់(ក្មេងតូច ០៤នាក់ ស្រី០៤នាក់) ពីកម្លាំងនគរបាលវរសេនាតូចការពារព្រំដែនគោ​ករួមជាមួយកម្លាំង ផ្នែកសឹករងស្រុកភ្នំព្រឹក និងកម្លាំងការិយាល័យទំនាក់ទំនងច្រកទ្វារព្រំ​ដែ​នតំ​បន់អូររំដួល ដែលបានឃាត់ខ្លួនពួកគាត់ក្នុងខ​ណៈ​ដែលមានមុខសញ្ញាជាមេខ្យល់នាំពួកគាត់ឆ្លង​ដែន ចូលទៅក្នុងប្រទេសថៃដោយខុសច្បាប់ ។

នៅពេលសាកសួរស្រាវជ្រាវនេះ សមត្ថកិច្ចនគរបាលស្រុកភ្នំព្រឹកបានរកឃើញជនសង្ស័យចំនួន ០១នាក់ ឈ្មោះ សុខ ដា ភេទប្រុស អាយុ ៤០ឆ្នាំ មានទីលំនៅភូមិអូរថ្មី ឃុំពេជ្រចិន្តា ស្រុកភ្នំព្រឹក ខេត្តបាត់ដំបង ពាក់ព័ន្ធករណី នាំចេញ ដោយ មិន​ស្របច្បាប់សម្រាប់ឆ្លងដែន ។

នៅពេលនេះជនសង្ស័យ ខាងលើសមត្ថកិច្ចនគរបាលស្រុកបានកសាងសំណុំរឿងបញ្ជូនមកកា​រិ​យាល័យជំនាញដើម្បីចាត់ការបន្តតាមនីតិវិធី​ច្បាប់​​រីឯប្រជាពលរដ្ឋផ្សេងទៀតបានអនុញ្ញាតឱ្យវិលត្រឡប់ទៅលំនៅដ្ឋានវិញ ក្រោយធ្វើការអប់រំណែនាំរួចមក ៕

Book Bus Ticket Online With LankrongTicket.com Book Bus Ticket Online