នគរបាលស្រុកសំរោងទង បង្រ្កាបឃាត់ខ្លួនមនុស្ស ៣នាក់ អាប៉ោង០១ ម៉ូតូ២គ្រឿង និងសម្ភារៈវត្ថុតាងមួយចំនួន
កំពង់ស្ពឺ ÷ ស្រុកសំរោងទង ថ្ងៃទី១៦ ខែកក្កដា ឆ្នាំ២០២០ កម្លាំងអធិការដ្ឋាននគរបាលស្រុកសំរោងទង ស្រាវជ្រាវបង្រ្កាបទីតាំងលេងល្បែងស៊ីសង (អាប៉ោង) នៅចំណុចព្រៃខាងត្បូងភូមិបាក់ធ្មេញ ឃុំរលាំងចក ស្រុកសំរោងទង ខេត្តកំពង់ស្ពឺ ឃាត់ខ្លួនមនុស្សបាន ៣នាក់ ៖
១/ឈ្មោះ ញ៉ែម ឌឿន ភេទប្រុស អាយុ៥៥ឆ្នាំ រស់នៅភូមិក្រាំងត្រឡាច ឃុំស្គុះ ស្រុកសំរោងទង
២/ឈ្មោះ ទួន ថេន ភេទប្រុស អាយុ ៥៥ឆ្នាំ រស់នៅភូមិដូនអាត់ ឃុំស្គុះ ស្រុកសំរោងទង ។
៣/ឈ្មោះ សៅ សារ៉ាត់ ភេទប្រុស អាយុ ៣៧ឆ្នាំ រស់នៅភូមិបាក់ធ្មេញ ឃុំរលាំងចក ស្រុកសំរោងទង ។
ប្រតិបត្តិការខាងលេី សមត្ថកិច្ចចាប់យកវត្ថុតាងនិងដកហូតបាន មេអាប៉ោងចំនួន ០១ , ម៉ូតូចំនួន ០២គ្រឿង , ចានទ្រ ១ ផ្ដិលគ្រប ១ ទូរស័ព្ទដៃ ០១និងប្រាក់ ចំនួន១៦០ ០០០រៀល ( ដប់ប្រាំមួយម៉ឺនរៀលគត់ )។
បច្ចុប្បន្នជនសង្ស័យខាងលើកំពុងធ្វើការសាកសួរ នៅអធិការដ្ឋានស្រុកសំរោងទងនិងកសាងសំណុំរឿង បញ្ជូនទៅការិយាល័យជំនាញខេត្ដ ចាត់ការតាមនីតិវិធី ៕
