នៅព្រឹកនេះ ក្រសួងសុខាភិបាល រកឃើញករណីវិជ្ជមានអ្នកឆ្លងកូវីដ ១៩ ថ្មី ចំនួន ១៥នាក់បន្ថែមទៀត ដែលទើបមកពីប្រទេសអារ៉ាប់ប៊ីសាអូឌី
នៅព្រឹកថ្ងៃទី ១២ ខែកក្តដា ២០២០ ក្រសួងសុខាភិបាលបានប្រកាសរកឃើញអ្នកឆ្លងកូវីដ១៩ ចំនួន១៥នាក់ថ្មី សុទ្ធតែជាករណីនាំចូលដែលទើបត្រឡប់មកពីប្រទេសអារ៉ាប់ប៊ីសាអូឌី។
តាមសេចក្ដីប្រកាសព័ត៌មានបានបញ្ជាក់ថា អ្នកដំណើរមកពីប្រទេសអារ៉ាប់ប៊ីសាអូឌី ១៥នាក់ មានលទ្ធផលតេស្ត វិជ្ជមានវីរុសកូវីដ-១៩ ក្នុងចំណោមអ្នកដំណើរសរុបចំនួន ៩៤នាក់។
បុរសទាំង១៥នាក់ ជាអ្នកធ្វើដំណើរមកពីប្រទេសអារ៉ាប់ប៊ីសាអូឌី បន្តជើងហោះហើរពីប្រទេសម៉ឡេស៊ី មកដល់កម្ពុជា កាលពីថ្ងៃទី១០ ខែកក្តដា ឆ្នាំ២០២០ វេលាម៉ោង១៧:២៥នាទីល្ងាច ហើយធ្វើការវិគាគវត្ថុសំណាកដោយវិទ្យាស្ថានប៉ាស្ទ័រកម្ពុជា បានបង្ហាញលទ្ធផល វិជ្ជមានវីរុសកូវីដ-១៩។
បច្ចុប្បន្ន អ្នកជំងឺទាំង១៥នាក់នេះ ត្រូវបានដាក់ឲ្យសម្រាកព្យាបាលនៅមណ្ឌលសុខភាពចាក់អង្រែ រាជធានីភ្នំពេញ។
សូមបងប្អូនទាំងអស់ត្រូវប្រុងប្រយ័ត្នថែមទៀត ជាពិសេសត្រូវរក្សាគម្លាត និង ធ្វើអនាម័យអោយបានត្រឹមត្រូវ ៕
