បង្រ្កាបករណីរក្សាទុកដោយខុសច្បាប់ នូវសារធាតុញៀន០១ករណីឃាត់ខ្លួនជនសង្ស័យបានចំនួន០២នាក់
ខេត្តបាត់ដំបង:នៅថ្ងៃ ពុធ៣រោចខែអាសាឍឆ្នាំជូតទោស័ក.ស.២៥៦៤ត្រូវនឹងថ្ងៃទី៨ខែកក្កដាឆ្នាំ២០២០វេលាម៉ោង១៥និង៣០នាទីនៅចំណុចក្រុមទី១៣ភូមិបន្សាយត្រែង ឃុំបន្សាយត្រែង ស្រុកថ្មគោលខេត្តបាត់ដំបង អនុវត្តតាមមតិដឹកនាំរបស់ឯកឧត្តម ឧត្តមសេនីយ៍ ទោ អ៊ុច សុខុន ស្នងការនៃស្នងការដ្ឋាននគរបាលខេត្តបាត់ដំបង ព្រមទាំងអនុវត្តតាមការណែនាំជំនាញពីលោកឧត្តមសេនីយ៍ត្រី កុយ ហៀង ស្នងការរងផែនការងារប្រឆាំងគ្រឿងញៀន លោកវរសេនីយ៍ឯក ផង់ សុភាព អធិការនគរបាលស្រុកថ្មគោលជម្រុញ ដឹកនាំកម្លាំងផ្នែកជំនាញនគរបាលប្រឆាំងគ្រឿងញៀននៃអធិការដ្ឋានសហការជាមួយកម្លាំងប៉ុស្តិ៍នគរបាលរដ្ឋបាលបន្សាយត្រែង បានចុះប្រតិបត្តិការបង្រ្កាបករណីរក្សាទុកដោយខុសច្បាប់ នូវសារធាតុញៀន០១ករណីក្នុងបទល្មើសជាក់ស្តែងក្នុងនោះសមត្ថកិច្ចឃាត់ខ្លួនជនសង្ស័យបានចំនួន០២នាក់គឺ៖
១-ឈ្មោះ ឆាត ផាក់ឡូវ ភេទប្រុស អាយុ៣៥ឆ្នាំនៅភូមិថ្មី ឃុំបន្សាយ ត្រែង ស្រុកថ្មគោល ខេត្តបាត់ដំបង។
២-ឈ្មោះ ឈុន ប៊ុនលី ភេទប្រុស អាយុ៣៣ឆ្នាំ នៅភូមិថ្មី ឃុំបន្សាយ ត្រែង ស្រុកថ្មគោល ខេត្តបាត់ដំបង។
-វត្ថុតាងចាប់យកបានរួមមាន៖
១-ម្សៅក្រាមពណ៌សថ្លាច្រកក្នុងថង់ប្លាស្ទិក ចំនួន០៨កំណាត់ទុយយោ ទំងន់១,២៣ក្រាមសង្ស័យមានសារធាតុញៀន។
២-សម្ភារៈសម្រាប់ប្រេីប្រាស់គ្រឿងញៀនមួយចំនួន។
៣-ទូរស័ព្ទចំនួន០១គ្រឿង
ជនសង័្សយនិងវត្ថុតាងនគរបាលស្រុកបញ្ជូនមកការិយាល័យជំនាញដេីម្បីអនុវត្តបន្តតាមនីតិវិធី៕(រូបភាពនគរបាលស្រុកថ្មគោល)
