បង្រ្កាបមុខសញ្ញាប្លន់ នៅស្រុកភ្នំស្រួចចំនួន ១១នាក់ (ប៉ុនប៉ងលួចមានស្ថានទម្ងន់ទោស និងហឹង្សាដោយចេតនាមានស្ថានទម្ងន់ទោស)
យោងតាមអង្គហេតុកាលពីថ្ងៃទី១៥ ខែកុម្ភៈ ឆ្នាំ២០២៣ ប្រព្រឹត្ដដោយជនសង្ស័យមួយក្រុមនៅចំណុចទីតាំងរោងចក្រដំណាប់ស្វាយ ហ៊ូណាន ស្ថិតនៅភូមិខ្នងក្រាំង ឃុំតាំងសំរោង ស្រុកភ្នំស្រួច ខេត្ដកំពង់ស្ពឺ ក្រុមជនសង្ស័យបានធ្វេីសកម្មភាពប៉ុនប៉ងលួចនិងបានប្រពឹត្ដជាក់ស្ដែងហឹង្សាទៅជនជាតិចិនជាអ្នកមេីលការខុសត្រូវនៅទីតាំងខាងលេី និងលួចសម្ភារៈមួយចំនួន។
ក្រោយកិច្ចប្រតិបត្ដិការ និងដោយមានការចង្អុលដឹកនាំពីលោកឧត្ដមសេនីយ៍ទោ សម សាមួន ស្នងការនគរបាលខេត្ដកំពង់ស្ពឺ និងបានការសម្របសម្រួលនីតិវិធីពីតំណាងអយ្យការ អមសាលាដំបូងខេត្ដកំពង់ស្ពឺ កំលាំងជំនាញព្រហ្មទណ្ឌសហការធ្វើការកំណត់មុខសញ្ញាសង្ស័យ ស្រាវជ្រាវរហូតឃាត់ខ្លួនបានជាបន្ដបន្ទាប់ ១១នាក់ ៖
-នី ចំណាន ប្រុស ឆ្នាំ២០០៤
-យៀន ដាវីត ប្រុស ឆ្នាំ២០០៦
-មុំ ឌីណា ប្រុស ឆ្នាំ១៩៩៣
-សុិន ធា ប្រុស ឆ្នាំ២០០៦
-ទិន គុណ ប្រុស អាយុ៤៨ឆ្នាំ
-ជា បីប ប្រុស ឆ្នាំ១៩៨៦
-ថៃ សី ប្រុស ឆ្នាំ១៩៩៧
-ហ៊ុល សៀង ឆ្នាំ១៩៩៧
-ណាវ ម៉ៅ ប្រុស ឆ្នាំ១៩៨៦
-នី ចន្រ្ទា ប្រុស ឆ្នាំ២០០១
-ហ៊ុន ធីម ប្រុស ឆ្នាំ២០០៤
ជនសង្ស័យទាំង១១នាក់មានទីលំនៅក្នុងស្រុកភ្នំស្រួច ខេត្ដកំពង់ស្ពឺ ។
បច្ចុប្បន្នជំនាញបានបញ្ជូនមុខសញ្ញាជនសង្ស័យមកកាន់ការិយាល័យព្រហ្មទណ្ឌនៃស្នងការដ្ឋាននគរបាលខេត្ដ បន្ដនីតិវិធីកសាងសំណុំរឿងបញ្ជូនទៅតុលាការចាត់ការតាមច្បាប់៕
