បុរសម្នាក់បានស្លាប់ ក្នុងហេតុការណ៍គ្រោះថ្នាក់ចរាចរណ៍នៅស្រុកកំពង់ត្រឡាច

ថ្ងៃព្រហស្បតិ៍ ២កើត ខែមាឃ ឆ្នាំឆ្លូវ ត្រីស័ក ពុទ្ធសករាជ ២៥៦៥ ត្រូវនឹងថ្ងៃទី៣ ខែកុម្ភ: ឆ្នាំ២០២២ វេលាម៉ោង១៣និង៥០នាទី ចន្លោះបង្គោលគីឡូម៉ែត្រលេខ ៥០-៥១ ក្នុងភូមិតាកុល ឃុំពានី ស្រុកកំពង់ត្រឡាច ខេត្តកំពង់ឆ្នាំង មានករណីគ្រោះថ្នាក់ចរាចរណ៍កើតឡើងរវាងម៉ូតូC១០០កូរ៉េ គ្មានស្លាកលេខ អ្នកបើកបរដោយឈ្មោះ កូប សុគឿន ភេទប្រុស អាយុ៤៦ឆ្នាំ ជនជាតិខ្មែរ រស់នៅភូមិព្រែកកន្លង ឃុំកំពង់ត្រឡាច ស្រុកកំពង់ត្រឡាច ខេត្តកំពង់ឆ្នាំង បើកបរពីទិសខាងជើងឆ្ពោះទៅទិសខាងត្បូង។ ពេលមកដល់ចំណុចខាងលើក៏បានរេចង្កូតមកឆ្វេងទៅបុកចូលចំណែកផ្លូវនិងរថយន្តម៉ាកHYUNDAI ពាក់ផ្លាកលេខ កំពង់ឆ្នាំង3A1103 អ្នកបើកបរមិនស្គាល់ អត្តសញ្ញាណ(គេចខ្លួនបាត់) បើកបរពីទិសខាងត្បូងឆ្ពោះទៅទិសខាងជើងក្នុងដំណើរច្រាស់ទិសគ្នា ។ បណ្ដាលឲ្យស្លាប់អ្នកបើកបរម៉ូតូនៅកន្លែងកើតហេតុ។ កម្លាំងជំនាញបានចុះដល់កន្លែងកើតហេតុធ្វើការវាស់វែង បានប្រគល់សពទៅក្រុមគ្រួសារធ្វើបុណ្យតាមប្រពៃណី និងបានយកវត្ថុតាងមករក្សាទុកនៅអធិការដ្ឋាននគរបាលស្រុកកំពង់ត្រឡាច កសាងសំណុំរឿងតាមនីតិវិធី៕

Book Bus Ticket Online With LankrongTicket.com Book Bus Ticket Online