បុរសម្នាក់ ត្រូវបានរថយន្តបុកស្លាប់ភ្លាមៗនៅនឹងកន្លែងហេតុ នៅស្រុកបូទុមសាគរ
ហេតុការណ៍នេះ បានកេីតឡេីងកាលពីយប់ថ្ងៃទី ២៧/០៧/២០២០ នាវេលាម៉ោង ២១:៣០នាទី យប់ លើផ្លូវជាតិលេខ ៤៨ ចន្លោះបង្គោលគីឡូម៉ែត្រ ៣៤-៣៥ ស្ថិតក្នុងភូមិតាំកន់ ឃុំកណ្តោល ស្រុកបូទុមសាគរ ។ បង្ករឡេីងដោយរថយន្ត ០១គ្រឿងម៉ាក MITSUBISHI ពណ៌ ស ពាក់ស្លាកលេខព្រះសីហនុ 3A 1790 អ្នកបេីកបរពុំស្គាល់អត្តសញ្ញាណ បើកបរទិសដៅពីរលិច ទៅកើត បានបុកម៉ូតូ ០១គ្រឿង ម៉ាក វ៉េវ ពណ៌ ខ្មៅ គ្មានស្លាកលេខ បេីកបរដោយឈ្មោះ ស៊ុន ថាន់ ភេទប្រុស អាយុ ១៩ឆ្នាំ ជនជាតិខ្មែរ មានទីលំនៅភូមិប្រលាន ឃុំកណ្តោល ស្រុកបូទុមសាគរ បណ្តាលឲ្យស្លាប់ភ្លាមៗ នៅកន្លែងកើតហេតុ រីឯជនបង្ករ បានរត់គេចខ្លួនបាត់។
ក្រោយកេីតហេតុ សពជនរងគ្រោះ បានប្រគល់ជូនគ្រួសារសព យកទៅធ្វើបុណ្យតាមប្រពៃណី ចំណែកឯ វត្ថុតាង យកមករក្សាទុកនៅអធិការដ្ឋាន ។
