ផ្ទះប្រជាពលរដ្ឋម្នាក់នៅស្រុកកំពង់ត្របែក រងការខូចខាតទាំងស្រុង ក្នុងហេតុការណ៍អគ្គីសនីឆាបឆេះ
ខេត្តព្រៃវែង៖ ថ្ងៃច័ន្ទ ៧រោច ខែបុស្ស ឆ្នាំឆ្លូវ ត្រីស័ក ពស ២៥៦៥ ត្រូវនឹងថ្ងៃទី២៤ ខែមករា ឆ្នាំ២០២២ វេលាម៉ោង ២០:៣០ នាទីយប់នៅចំណុច ភូមិអាគ្រាជ ឃុំព្រៃឈរ ស្រុកកំពង់ត្របែក ខេត្តព្រៃវែង មានករណីអគ្គិភ័យបានឆាបឆេះផ្ទះបងប្អូនឈ្មោះ សិន សារិទ្ធ ភេទ ប្រុស អាយុ ៥២ឆ្នាំ ផ្ទះទំហំ ០៧x០៨ មែត្រ សង់អំពីឈើប្រក់ស័ង្កសី (ឆាបឆេះអស់ទាំងស្រុង ) ។ សំភារៈខូចខាតគិតជាទឹកប្រាក់សរុបតម្លៃប្រហែល ២០ លានរៀល ។ មូលហេតុបណ្តាលមកពីធ្វេសប្រហែសភ្លេីងធូប ។
ករណីអគ្គិភ័យកេីតឡេីងខាងលេីនេះកម្លាំងជំនាញបានចេញរថយន្តពន្លត់អគ្គភ័យអន្តរាគមន៍ទៅដល់កន្លែងកើតហេតុដែល តែចូលពុំរួចដោយផ្លូវមានលក្ខណះតូចចង្អៀត ពេលនោះកម្លាំងអន្តរាគមន៍ និងប្រជាការពារបានយកម៉ាស៊ីនចល័តបូមទឹកស្រះបាញ់ពន្លត់ ។
ករណីអគ្គិភ័យកេីតឡេីងខាងលើនេះមិនបណ្តាលអោយមានមនុស្សរងរបួសឬស្លាប់ឡេីយ៕
