ផ្លែទំពាំងបាយជូរមានអត្ថប្រយោជន៍ច្រើនយ៉ាងចំពោះសុខភាព និង សម្រស់!
ផ្លែទំពាំងបាយជូរ គឺជាផ្លែឈើមួយប្រភេទក្នុងចំណោមផ្លែឈើពេញនិយមដទៃទៀត ដែលនេះដោយសារតែរស់ជាតិដ៏ឆ្ងាញ់របស់វា បូករួមជាមួយគុណតម្លៃនៃសុខភាពជាច្រើនផងដែរ។ ផ្លែទំពាំងបាយជូរ គឺជាឃ្លាំងស្ដុកទុកនូវវីតាមីន A, C និង B6។ មិនត្រឹមតែប៉ុណ្ណោះទេ វាក៏ជាប្រភពដ៏មានតម្លៃនៃសារជាតិរ៉ែសំខាន់ដទៃទៀត ដូចជា ប៉ូតាស្យូម កាល់ស្យូម ដែក ហ្វូស្វូរុស ម៉ាញ៉េស្យូម និងសេឡេស្យូម។ថ្ងៃនេះដែរ ខ្មែរសារិកា សូមនាំមកជូនលោកអ្នកនូវគុណប្រយោជន៍ចំពោះសុខភាពមួយចំនួនរបស់ផ្លែទំពាំងបាយជូរ៖
១- ពន្យារភាពចាស់: ផ្លែទំពាំងបាយជូរគឺជាផ្លែឈើដែលអាចប្រយុទ្ធប្រឆាំងនឹងអាការៈចាស់បាន ដូចជាទប់ស្កាត់ភាពជ្រីវជ្រួញ ជំនួយស្បែកមុខ ធ្វើឲ្យអ្នកមើលទៅក្មេងជាងវ័យ។ ផ្លែនេះ មានផ្ទុកទៅដោយសារធាតុ Flavanoids ដែលជាសារធាតុប្រឆាំងអុកស៊ីតកម្មយ៉ាងខ្លាំងមួយ ហើយអាចជួយទប់ស្កាត់ដំណើរវិវឌ្ឍទៅរកភាពចាស់បាន។
២- ការពារនឹងជំងឺមហារីកៈ ក្នុងផ្លែទំពាំងបាយជូរមានសារជាតិអុកស៊ីតកម្មដែលបានជួយការពារ និងប្រឆាំងជំងឺមហារីក។បន្ថែមលើនេះទៀត ទំពាំងបាយជូគឺអាចការពារពោះវៀនធំ, សួត ក្រពេញប្រូស្តាត ការពារស្បែកពីកាំរស្មី UVB និងជំងឺមហារីកសុដន់ជាដើម។
៣- បង្កើនថាមពលនៅពេលរួមភេទ: ដោយសារតែផ្លែទំពាំងបាយជូរមានផ្ទុកទៅដោយសារធាតុដ៏មានតម្លៃជាច្រើន បានធ្វើឲ្យផ្លែឈើនេះ អាចជួយបង្កើនថាមពាលក្នុងខ្លួនអ្នកបាន ដែលរួមមានទាំងការជម្រុញថាមពលនៅពេលរួមភេទ ដែលជួយជម្រុញនូវកោរសិការចំណង់បាន២០%ផងដែរ។ ក្រៅពីនេះ វាអាចជួយព្យាបាលជំងឺក្រលៀន បង្កើនសាច់ដុំ និងការពារជំងឺភ្នែកឡើងបាយបានទៀតផង។
៤- ការពារជំងឺហឺត: ផ្លែទំពាំងបាយជូរ គឺត្រូវបានគេស្គាល់យ៉ាងច្បាស់ថាជាអ្នកកំចាត់ជំងឺហឺត ដោយសារតែវាមានថាមពាលជ្រួតជ្រាបខ្ពស់ ហើយអាចជួយបង្កើននូវជាតិសំណើមដែលមាននៅក្នុងសួត។ ទំពាំងបាយជូរក្រហម មានសារធាតុប្រឆាំងបាក់តេរីដ៏ខ្លាំងក្លា ដែលអាចការពារអ្នកពីការឆ្លងរោគហឺត។
៥- បង្កើនការចងចាំ: ការបរិភោគទំពាំងបាយជូរជាទៀងទាត់អាចបង្កើនការចងចាំបានច្រើនជាងអ្នកដែលមិនសូវញុំាផ្លែទំពាំងបាយជូរ ព្រោះថាសារធាតុ Resveratrol ក្នុងទំពាំងបាយជូអាចបង្កើនលំហូរឈាមទៅកាន់ខួរក្បាលនិងធ្វើអោយប្រសើរឡើងនូវការសំរួលផ្លូវចិត្ត។បន្ថែមលើនេះ ទំពាំងបាយជូរអាចពន្យាពេលការធ្លាក់ចុះនៃជំងឺសរសៃប្រសាទ(ជំងឺវង្វេង)។
៦- ជួយព្យាបាលការទល់លាមក: អាស៊ីតសរីរាង្គ ហើយនិងសារធាតុសេលុយឡូស ដែលមាននៅក្នុងផ្លែទំពាំងបាយជូរ អាចជូយព្យាបាលការទល់លាមកបានយ៉ាងមានប្រសិទ្ធិភាព។ វាអាចធ្វើឲ្យលាមកដែលកកស្ទះ ធ្លាក់ចុះមកបាន។ មិនត្រឹមតែប៉ុណ្ណោះ ជាតិដែកដែកខ្ពស់ ដែលមានក្នុងផ្លែទំពាំងបាយជូរ អាចជួយប្រយុទ្ធប្រឆាំងនឹងការនឿយហត់អស់កម្លាំង និងបង្កើនថាមពលដែលបាត់បង់បានទៀតផង។
៧– ជួយសំរួលដំណើរសរសៃឈាមនៃបេះដូងៈ ការទទួលទានផ្លែទំពាំងបាយជូឬការផឹកស្រាពណ៌ក្រហមជាទៀងទាត់ នឹងផ្តល់នូវផលប្រយោជន៍ជាច្រើនដល់សុខភាពមានដូចជា៖ កាត់បន្ថយហានិភ័យនៃការកកស្ទុះសរសៃឈាមក្នុងបេះដូង និងជួយរក្សាសម្ពាធឈាមឲ្យមានលំនឹង។នេះគឺព្រោះតែទំពាំងបាយជូរមានសារធាតុប៉ូតាស្យូម និងសារធាតុសូដ្យូមខ្ពស់ជាងផ្លែឈឺមួយចំនួន។
៨- ប្រយុទ្ធប្រឆាំងនិងភាពអស់កម្លាំងៈ ផ្លែទំពាំងបាយជូអាចធ្វើជាអាហារសម្រន់ដ៏ល្អមួយសម្រាប់ការប្រយុទ្ធប្រឆាំងនឹងភាពអស់កម្លាំងនិងបង្កើនថាមពលដល់រាងកាយ ព្រោះវាបានផ្ទុកវីតាមីន ម៉ាញេស្យូម, ផូស្វ័រជាតិដែក, និងទង់ដែង ដែលសារធាតុចិញ្ចឹមទាំងអស់នេះរួមគ្នាបង្កើនបានជាប្រព័ន្ធភាពស៊ាំការពាររាងកាយនិងប្រយុទ្ធប្រឆាំងនឹងរោគសញ្ញានៃការអស់កម្លាំង
By: Bonny
