ផ្សារដែក កំទេចភ្លើងបានខ្ទាតទៅចំកាំជ្រួចទើបបណ្តាលឲ្យឆេះផ្ទះភ្លាមៗតែម្តង
ខេត្តបាត់ដំបង៖ថ្ងៃ សុក្រ ១០រោច ខែ ស្រាពណ៍ ឆ្នាំជូត ទោស័ក ព.ស ២៥៦៤ ត្រូវថ្ងៃទី ១៤ ខែ សីហា គ.ស ២០២០ វេលាម៉ោង ១៦:១០ នាទីរសៀល ស្ថិតនៅក្នុងក្រុមទី ០៥ ភូមិកំពង់គល់ ឃុំ ចែងមានជ័យ ស្រុក បាណន់ ខេត្ត បាត់ដំបង មានករណីអគ្គិភ័យកើតឡើងបណ្តាលឲ្យឆេះផ្ទះចំនួន ០១ ខ្នង ទំហំ ៩មx៦ម (ឆេះទាំងស្រុង) ធ្វើអំពីឈើ ដំបូលប្រក់ស័ង្កសី ជញ្ជាំងក្តារ របស់ម្ចាស់ឈ្មោះ អូន វិទូ ភេទ ប្រុស អាយុ ២២ ឆ្នាំ ស្នាក់នៅទីកន្លែងកើតហេតុខាងលើ ។
- ឆេះសម្ភារក្នុងផ្ទះមួយចំនួន ប៉ុន្តែមិនបណ្តាលឲ្យគ្រោះថ្នាក់ដល់មនុស្សទេ និងឆេះកាំជ្រួចសម្រាប់បាញ់ពេលដុតសាកសពសរុបអស់ចំនួន ៧០០ដើម ។
- សរុបការខូចខាតអស់ចំនួន ១២.០០០$ ។
+ មូលហេតុ: បណ្តាលមកពីម្ចាស់ផ្ទះផ្សារដែក កំទេចភ្លើងបានខ្ទាតទៅចំកាំជ្រួចទើបបណ្តាលឲ្យឆេះភ្លាមៗតែម្តង ។
- ភ្លាមៗនោះពុំបានចេញរថយន្តពន្លត់អគ្គិភ័យទេ ដោយសារទទួលដំណឹងមានការយឺតពេលទៅហើយ ។
