ពលរដ្ឋរាប់រយនាក់នៅព្រឹកថ្ងៃទី១៩​មិថុនានេះ នាំ​គ្នា​បិទ​កំណាត់​ផ្លូវ​ជាតិ​លេខ​៦A​ត្រង់ចំណុចមុខវត្តព្រែកអញ្ចាញ…

ភ្នំពេញៈពលរដ្ឋរាប់រយនាក់នៅព្រឹកថ្ងៃទី១៩​មិថុនានេះ នាំ​គ្នា​បិទ​កំណាត់​ផ្លូវ​ជាតិ​លេខ​៦A​ត្រង់ចំណុចមុខវត្តព្រែកអញ្ចាញក្បែរសាលាស្រុកមុខកំពូល។ ជាការតវ៉ាប្រឆាំងនឹងម្ចាស់អាជីវកម្មលក់ខ្សាច់ដែលយកដីរបស់វត្តទៅធ្វើជាកន្លែងលក់ខ្សាច់ ធ្វើប៉ះពាល់ដល់ប្រជាពលរដ្ឋនៅក្បែរនោះ។​ការបិទកំណាត់ផ្លូវជាតិដ៍សំខាន់នេះបានធ្វើឲ្យកកស្ទះចរាចរណ៍យ៉ាងខ្លាំងនៅលើផ្លូវជាតិលេខ៦A ខណៈ​ក្រុម​អាជ្ញាធរ​កំពុង​តែ​ធ្វើ​ការ​សម្រប​សម្រួល។ សាក្សី និយាយថា ការស្ទះ​ចរាចរណ៍​គឺ​ចាប់​ពី​ចំណុច​បាក់​ខែង​រហូត​ដល់​ស្រុកមុខកំពូល និងចាប់ពី​ចំណុច​ស្រុក​មុខ​កំពូល​រហូត​ដល់​រកា​កោង​។


លោក គង់ សោភ័ណ្ឌ អភិបាល​ខេត្តកណ្តាលប្រាប់វិទ្យុបារាំងអន្តរជាតិRFIនៅម៉ោងជិត១១ថ្ងៃត្រង់ថា អាជ្ញាធរបានសម្របសម្រួល​ឲ្យមានការ​បើកផ្លូវ​ធ្វើ​ចរាចរណ៍បានឡើងវិញហើយ ហើយថានៅម៉ោង២​រសៀលក្រុម​ការងារ​របស់​ខេត្តចុះទៅដោះស្រាយបញ្ចប់់បញ្ហា៕

ប្រភពៈRFI

Book Bus Ticket Online With LankrongTicket.com Book Bus Ticket Online