មនុស្ស៤នាក់បានរងរបួស និងផ្ទះមួយខ្នងត្រូវបានបំផ្លាញដោយសារអគ្គិភ័យបានកើតឡើងនៅសង្កាត់ផ្សារដើមគរ

នាយកដ្ឋាននគរបាលបង្ការ ពន្លត់អគ្គិភ័យបានអោយដឹងថានៅវេលាម៉ោង ០២:១០ នាទីទៀបភ្លឺ ថ្ងៃសៅរ៍ ៤កើត ខែមាឃ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី០៥ ខែកុម្ភៈ ឆ្នាំ២០២២ មានករណីអគ្គីភ័យមួយកន្លែងបានកើតឡើងនៅចំណុច ផ្លូវ២១៧ វិថីសម្តេចមុនីរ៉េត សង្កាត់ផ្សារដើមគរ ខណ្ឌទួលគោក រាជធានីភ្នំពេញ ។

សមត្ថកិច្ចបានអោយដឹងថា មូលហេតុនៃការឆេះ បណ្តាលមកពីឆ្លងចរន្តអគ្គិសនី បានឆេះ ប្រភេទសំណង់: ផ្ទះថ្មក្រោម ឈើលើទំហំ ១២x១៥ម៉ែត្រ ខូចខាតផ្ទះឈើផ្នែកខាងលើអស់ទាំងស្រុង ។

ក្នុងករណីអគ្គិភ័យខាងលើនេះបណ្តាលអោយ របួសមនុស្ស: ចំនួន ០៤ នាក់ របួសធ្ងន់ចំនួន ០២ នាក់ របួសស្រាលចំនួន ០២ នាក់ ។

កងកម្លាំងអន្តរាគមន៍ពន្លត់អគ្គិភ័យបានប្រើប្រាស់រថយន្តរបស់ការិយាល័យអគ្គិភ័យ : ចំនួន ២១ គ្រឿង ប្រើប្រាស់ទឹកអស់ ៣០ រថយន្ត ស្មើរនឹង ១២០ ម៉ែត្រគូប ។

+ រថយន្តជំនួយអន្តរាគមន៍:

– រថយន្តក្រសួងមហាផ្ទៃចំនួន ០២ គ្រឿង បានប្រើប្រាស់ទឹកអស់ចំនួន ០២ រថយន្ត ស្មេីនឹង ០៨ ម៉ែត្រគូប ។

– រថយន្តទីក្រុងអូឡាំព្យាចំនួន ០២ គ្រឿង ប្រើប្រាស់ទឹកអស់ ០២ រថយន្ត ស្មើរនឹង ០៨ ម៉ែត្រគូប ។

– រថយន្តក្រុមហ៊ុនOCICជ្រោយចង្វារ ចំនួន ០៧ គ្រឿងប្រើប្រាស់ទឹកអស់ ០៧ រថយន្ត សើ្មនឹង ២៨ ម៉ែត្រគូប ។

– រថយន្តក្រុមហ៊ុនស្រាបៀរកម្ពុជាចំនួន ០១ គ្រឿង ប្រើបាស់ទឹកអស់ ០១ រថយន្ត ស្មើនឹង ០៤ ម៉ែត្រគូប ។

– ពន្លត់ចប់ : នៅម៉ោង ០៣:៣០ នាទីទៀបភ្លឺ ថ្ងៃខែឆ្នាំដដែល ៕

Book Bus Ticket Online With LankrongTicket.com Book Bus Ticket Online