មុខសញ្ញាគ្រឿងញៀន ០២នាក់ ត្រូវបានបង្រ្កាបឃាត់ខ្លួនអនុវត្តតាមច្បាប់
កាលពីថ្ងៃទី១៧ ខែឧសភា ឆ្នាំ២០២៣វេលាម៉ោង ២១និង៤០នាទីនៅចំណុចក្រុមទី០៨ ភូមិពពាលខែ ឃុំអូរតាគី ស្រុកថ្មគោល ខេត្តបាត់ដំបង អនុវត្តតាមយោបល់ដឹកនាំរបស់លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង និងយោបល់លោកវរសេនីយ៍ឯក សុខ និមល ស្នងការរងផែនការងារប្រឆាំងគ្រឿងញៀន លោកវរសេនីយ៍ទោ ប៉ាន ចាន់រិទ្ធ នាយការិយាល័យនគរបាលប្រឆាំងគ្រឿងញៀន បានដឹកនាំកម្លាំងក្នុងការិយាល័យប្រឆាំងគ្រឿងញៀន នៃស្នងការដ្ឋាននគរបាល បង្ក្រាបករណី រក្សាទុកដោយខុសច្បាប់នូវសារធាតុញៀន០១ករណី ក្នុងបទល្មើសជាក់ស្ដែង និងឃាត់ខ្លួនជនសង្ស័យបានចំនួន ០២នាក់ មានឈ្មោះដូចខាងក្រោម៖
១-ឈ្មោះ សំ យ៉ាងហ្គោ ភេទប្រុស អាយុ៣៥ឆ្នាំ មានទីលំនៅភូមិគោកត្រប់ ឃុំតាម៉ឺនស្រុកថ្មគោលខេត្តបាត់ ដំបង ។
២-ឈ្មោះ គុជ ណារិទ្ធ ភេទប្រុស អាយុ២០ឆ្នាំ មានទីលំនៅភូមិពពាលខែ ឃុំអូរតាគី ស្រុកថ្មគោល
ខេត្តបាត់ដំបង ។
វត្ថុតាងចាប់យកបានរួមមាន៖
-ថ្នាំញៀនប្រភេទមេតំហ្វេតាមីន (ម៉ាទឹកកក ICE) ចំនួន ០១ថង់ ទម្ងន់ ៨,៥៣ក្រាម (ទាំងសំបក)
-ទូរស័ព្ទដៃចំនួន ០២គ្រឿង (ចាស់) និងម៉ូតូចំនួន ០១គ្រឿង (ចាស់) ។
រហូតដល់ថ្ងៃទី១៩ ខែឧសភា ឆ្នាំ២០ ២៣ដោយបានការសម្របសម្រួលលេីនីតិវិធីពីឯកឧត្តម កែវ សុជាតិ ព្រះរាជអាជ្ញានៃអយ្យការអមសាលាដំបូងខេត្តបាត់ដំបងផងនោះសមត្ថកិច្ចបានបន្តទៅឆែកឆេរលំនៅដ្ឋានបក្សពួកម្នាក់ទៀតនៅភូមិត្រស់ ឃុំអូរតាគី ស្រុកថ្មគោល ខេត្តបាត់ដំបង។ វត្ថុតាងឆែកឆេរបានរួមមាន៖
-ថ្នាំញៀនប្រភេទមេតំហ្វេតាមីន (ម៉ាទឹកកក ICE) ចំនួន ០១ថង់ ទម្ងន់ ៨២,៦៨ក្រាម (ទាំងសំបក)
-ជញ្ជីងសម្រាប់ថ្លឹងថ្នាំញៀនលក់ចំនួន ០២គ្រឿង និងថង់សម្រាប់រំលែកច្រកថ្នាំញៀនលក់មួយចំនួន ។
ពេលនេះជនសង័្សយនិងវត្ថុតាងសមត្ថកិច្ចបានរៀបចំសំណុំរឿងបញ្ជូនទៅសាលាដំបូងខេត្តបាត់ដំបង អនុវត្តទោសទៅតាមផ្លូវច្បាប់៕
