មើម​ខ្ញីមានអត្ថប្រយោជន៍​ដល់សុខភាព និង ចំពោះមនុស្សដែលខ្សោយផ្លូវភេទ

-មើម​ខ្ញី​ : គឺជា​អាហារ​មួយ​ប្រភេទ​ដែល​មនុស្សទូរទៅនិយម​ទទួលទាន​ជា​យូរលង់​មក​ហើយ​។មើម​ខ្ញី​ត្រូវ​គេ​ដឹង​ថា ផ្តល់​អត្ថប្រយោជន៍​ច្រើន​យ៉ាង​ដល់​សុខភាព ។ ក្រៅពី​សារធាតុ​រ៉ែ​ម៉​ង់​កា​ណែ​ស​និង​រ៉ែ​ទង់ដែង វា​ផ្ទុក​ទៅ​ដោយ​វីតាមីន​ជា​ច្រើន ហើយ​ដែល​អ្វី​ទាំង​អស់នេះ​មាន​សារសំខាន់​បំផុត​សម្រាប់​ការ​បំពេញ​មុខងារ​រាង​កាយ ។ ខាងក្រោម​នេះ​ជាប្រយោជន៍​ទឹក​ខ្ញីចំពោះ​សុខភាព​អ្នក​ប្រើប្រាស់​៖

១.​ជួយ​ព្យាបាល​ការ​ខ្សោយ​ផ្លូវភេទ: ​គឺ​គេ​ត្រូវ​ផឹក​វា​ជាមួយ​ស៊ុត​ស្ងោរ​ត្រឹម​ជ័រ​ព្នៅ​និង​ទឹកឃ្មុំ​។ ត្រូវ​ពិសា​រៀង​រាល់​យប់​ឱ្យ​បាន​យ៉ាង​ហោច​ណាស់​រយៈពេល​មួយ​ខែ ។ វា​នឹង​ជួយ​ពង្រឹង​ប្រព័ន្ធ​សិច​ហើយ​ព្យាបាល​ការ​ឆាប់​ចេញ​ទឹកកាម អសមត្ថភាព​ផ្លូវភេទ ការ​ហៀរ​ទឹកកាម​(​បុរស​)​ឬ​ទឹករំអិល​(​នារី​)​ដោយ​មិនដឹង​ខ្លួន​នៅ​ពេល​យប់ ។

២.ក្អូតចង្អោរ : ខ្ញីមានប្រសិទ្ធិភាពក្នុង​ការ​កាត់​បន្ថយ​អាការៈ​ក្អូត​ចង្អោរ ដែល​បណ្តាល​មក​ពី​ជម្ងឺ ឬ​ការ​ប្រើសារ​ធាតុ​គីមីធ្វើ​ឲ្យ​មនុស្ស​មួយ​ចំនួន​មាន​អាការៈ​ចង់​ក្អួត​ ចង្អោរ​នៅ​ពេល​ព្រឹក។ ​ទំពារ​ខ្ញី​មូយ​ដុំ អាច​ជម្រះ​ការ​ចង់​ក្អូត​ចង្អោរ និង​ធ្វើឲ្យ​ប្រសើរ​ឡើង​នូវ ការ​ស្រូប​យក​សារ​ជាតិ​ចញ្ចិម ដែល​បាន​បំបែក​ប្រូតេអ៊ីន និង​ជំនួយ​ការ​រំលាយ​អាហារ។

៣-​ប្រឆាំង​នឹង​ការ​រលាក : ប្រសិទ្ធភាព​មួយ​ក្នុង​ចំណោម​ប្រសិទ្ធភាព​ជា​ច្រើន​របស់​ទឹក​ខ្ញី​គឺ​វា​ដើរតួ​ជា​ភ្នាក់ងារ​ប្រឆាំង​នឹង​ការ​រលាក​ជា​ពិសេស​ការ​រលាក​សន្លាក់ ។ ការ​សិក្សា​ពិសោធ​តាម​បែប​វិទ្យាសាស្ត្រ​មួយ​បាន​បង្ហាញ​ថា អ្នក​ប្រើប្រាស់​ទឹក​ខ្ញី​ប្រឈម​តិចតួច​នឹង​ជំងឺ​រលាក​ផ្សេង​ៗ​ដ្បិត​វា​ផ្ទុក​ទៅ​ដោយ​សមាសធាតុ​ប្រឆាំង​អុកស៊ីតកម្ម​ដែល​អាច​ជួយ​បង្កើន​លំហូរ​ឈាម​ថ្មី​ៗ​តាម​រយៈ​ការ​កម្ចាត់​ចោល​សមាសធាតុ​អាក្រក់​ចេញពី​រាង​កាយ ។

៤.ជំងឺក្រពះ : ខ្ញីមានប្រសិទ្ធិភាពក្នុងកាការពារ ​ប្រឆាំង​និង​រោគ​ដំបៅ​ក្រពះ ដែល​ធ្វើ​ឲ្យ​លោក​អ្នក​ជៀស​ផុត​ពីការ​ធ្វើ​ទុក្ខ​ក្រពះ​ដែល​​កើត​ឡើង។

៥-​ទប់ស្កាត់​មហារីក : មើម​ខ្ញី​មាន​ប្រសិទ្ធភាព​សម្លាប់​កោសិកា​ដែល​បង្ក​ឱ្យទៅ​ជា​ជំងឺមហារីក ។ ការ​សិក្សា​មួយ​បាន​បង្ហាញ​ថា ពិសា​មើម​ខ្ញី​ជួយ​បន្ថយល្បឿន​លូតលាស់​កោសិកា​​មហារីក​សុដន់ ។

៦.ឈឺក្បាល : ខ្ញីត្រូវ​បាន​គេ​ប្រើ​ជា​ថ្នាំ​បំបាត់​អាការៈ​​ឈឺ​ក្បាល។ សូម​យក​ខ្ញី​ទៅ​កិន​ឲ្យ​ម៉ត់ រួច​លាយ​ជា​មួយ​និង​ទឹក​ក្តៅច្រោះ​យក​តែ​តែទឹកខ្ងីសម្រាប់​ផឹក ពេល​​នោះ​លោក​អ្នក​ដឹង​ពី​ប្រ​សិទ្ធិភាព។

៧.ជម្ងឺគ្រុនផ្តាសាយ : ខ្ញីគឺជា​ឱសថ​ដ៏​មាន​ប្រសិទ្ធិ​ភាព ក្នុង​ការ​ព្យាបាល​ជម្ងឺផ្តាសាយ និង​ជម្ងឺ​គ្រុន​ផ្តាសាយ។ យក​ទឹក​ខ្ញី​មូយ​ស្លាប​ព្រា​កាហ្វេ​លាយ​ជា​មួយ និង​ទឹក​ឃ្មុំ​សម្រាប់​ការ​ឈឺ​បំពង់​ក​ មួយ​វិញ​ទៀត​លោក​អ្នក​អាច​ផឹក​​ទឹកខ្ញី ដើម្បី​កាត់​បន្ថយ​ការ​តឹង​ច្រមុះ និងបំពង់ក​មិន​ស្រួល។

៨-​ទប់ស្កាត់​ដំណើរ​លើសឈាម​ភ្លាម​ៗ : ញី​ដើរតួ​នាទី​ក្នុង​នាម​ជា​សារធាតុ​ធ្វើ​ឱ្យ​ឈាមរាវ និង​កាត់​បន្ថយ​ដំណើរ​លើសឈាម​ភ្លាម​ៗ ។ អ្នក​អាច​បន្តក់​ទឹកឃ្មុំ​២-៣​តំណក់​ដើម្បី​សម្រួល​ដល់​រសជាតិ ។

៩-​ជួយ​ជំរុញ​ដល់​ការ​រំលាយ​អាហារ​ក្នុង​រាង​កាយ : ពិសា​ទឹក​ខ្ញី​ជួយ​ធ្វើ​ឱ្យ​ល្អ​ប្រសើរ​ដល់​ការ​រំលាយ​អាហារ ក៏​ព្រោះ​វា​ជួយ​បង្កើន​ល្បឿន​ចលនា​អាហារ​ចេញពី​ក្រពះ​ទៅ​កាន់​ពោះវៀន ។ បន្ថែម​ពីលើ​នេះ វា​ជួយ​សម្អាត​រាល់​សារធាតុពុល​ទាំងអស់​ចេញពី​រាង​កាយ និង​ជួយ​ព្យាបាល​ជំងឺ​ពុល​ឡាន ។

១០-​កាត់​បន្ថយ​ខ្លាញ់​កូ​ឡេ​ស្តេ​រ៉ូ​ល : ទឹក​ខ្ញី​មាន​ប្រសិទ្ធ​ខ្ពស់​ក្នុង​ការ​កាត់​បន្ថយ​ខ្លាញ់​កូ​ឡេ​ស្តេ​រ៉ូ​ល​។ វា​ជួយ​កម្ចាត់​ចោល​នូវ​រាល់​វត្ថុ​ដែល​រាំងស្ទះ​លំហូរ​របស់​ឈាម​ក្នុង​សរសៃ​ឈាម។

១១.ការឈឺចាប់ : ខ្ញី​អាច​កាត់​បន្ថយ​ការ​ឈឺ​ចាប់​ពេល​មាន​រដូវ “វដ្ត​រដូវ​ដំបូង” ។ ខ្ញី​ត្រូវ​បាន​គេ​ស្គាល់​ថា​ ជា​ឱសថ​អាច​កាត់​បន្ថយ​រោគ​សញ្ញា​នៃការ​ឈឺ​ពោះ និង​ជម្ងឺ​ហើមពោះ នៅ​ក្នុង​ពេល​មក​តរដូវ៕

*​វិធី​ធ្វើ​ទឹក​ខ្ញី ៖ ចិត​សម្បក​និង​ហាន់​មើម​ខ្ញី​ជា​ដុំ​តូច​ៗ ចាក់ទឹក​ចូល​បន្តិច​រួច​ដាក់​ក្នុង​ម៉ាស៊ីន​ក្រឡុក ។ បន្ទាប់​ពី​ក្រ​ឡុ​ង​សព្វ យក​វា​ចេញ​ហើយ​សង្កត់​ពូត​ត្រង​យក​ទឹកជា​ការ​ស្រេច ។ ក្នុង​ករណី​ពិបាក​ទទួលទាន អ្នក​អាច​បន្ថែម​ស្ករ​បន្តិច ។ អ្នកក៏អាចយកខ្ញីមកហាន់ជាចំណិតៗ ញាុំក៏ជាមួយអំបិលតិចៗបាន ឬ អាចដាក់លាយជាមួយទឹកក្តៅឧណ្ណៗ បានថេមទៀតផង ៕

By: Bonny

Book Bus Ticket Online With LankrongTicket.com Book Bus Ticket Online