រដ្ឋាភិបាលអាហ្វហ្គានីស្ថាន ពន្យារពេលផែនការដោះលែងអ្នកទោសតាលីបង់
ក្រុងកាប៊ុល៖ មន្ត្រីជាន់ខ្ពស់ម្នាក់បានថ្លែងកាលពីថ្ងៃសៅរ៍ថា រដ្ឋាភិបាលអាហ្វហ្គានីស្ថានបានពន្យារពេលផែនការរបស់ខ្លួន ដើម្បីដោះលែងក្រុមអ្នកទោសតាលីបង់ ដោយបានធ្វើឲ្យដំណើរការសន្តិភាពមិនជាក់លាក់ រវាងក្រុមឧទ្ទាម និងក្រុងកាប៊ុលឲ្យធ្លាក់ចូលទៅក្នុងវិបត្តិយ៉ាងធ្ងន់ធ្ងរនៅអាហ្វហ្គានីស្ថាន។
ប្រធានាធិបតីអាហ្វហ្គានីស្ថានលោក អាស្រាហ្វ ហ្គានី កាលពីដើមសប្តាហ៍នេះ បានប្រកាសថា អាជ្ញាធរនឹងដោះលែងក្រុមឧទ្ទាមចំនួន ១ ៥០០ នាក់ ថា ជា «កាយវិការឆន្ទៈដ៏ល្អ» មួយ នៅមុនការចរចា បានចាប់ផ្តើមនៅក្នុងកិច្ចខិតខំប្រឹងប្រែង ដើម្បីដោះស្រាយជម្លោះមួយ នៅក្នុងចំណោមជម្លោះយូរអង្វែង ដែលបានចរចាមិនចុះសម្រុងនឹងគ្នានោះ។
កាលពីពេលថ្មីៗនេះ ក្រុមឧទ្ទាមបានបដិសេធមិនផ្តល់សម្បទានហើយបានទាមទារថា ក្រុមអ្នកទោសរហូតដល់ ៥ ០០០ នាក់ ត្រូវបានគេដោះលែងនៅមុនកិច្ចពិភាក្សា ដោយបានលើកឡើងអំពីកិច្ចព្រមព្រៀងអាមេរិក និងតាលីបង់បានចុះហត្ថលេខាកាលពីខែមុន ដែលមិនរាប់បញ្ចូលក្រុងកាប៊ុលផងនោះ។
កាលពីថ្ងៃសៅរ៍ លោក ចាវីដ ហ្វៃសាល់ ជាអ្នកនាំពាក្យក្រុមប្រឹក្សាសន្តិសុខជាតិបានថ្លែងប្រាប់ AFP ថា៖ «ការដោះលែងក្រុមអ្នកទោសត្រូវបានពន្យារពេល» ដើម្បីអនុញ្ញាតឲ្យមានពេលច្រើនបន្ថែមទៀត ដើម្បីត្រួតពិនិត្យអត្តសញ្ញាណរបស់ពួកគេឡើងវិញ។
លោក ចាវីដ ហ្វៃសាល់ បានថ្លែងថា៖ «យើងបានទទួលបញ្ជីឈ្មោះក្រុមអ្នកទោស ត្រូវបានដោះលែង យើងកំពុងត្រួតពិនិត្យ និងកំពុងផ្ទៀងផ្ទាត់បញ្ជីឈ្មោះនេះ បញ្ហានេះនឹងត្រូវចំណាយពេលច្រើនតទៅទៀត»។
ក្រឹត្យរបស់លោក ហ្គានី បានថ្លែងថា រដ្ឋាភិបាលនឹងដោះលែងអ្នកទោស ១ ៥០០ នាក់ ដែលបានចាប់ផ្តើមនៅថ្ងៃសៅរ៍ខាងមុខនេះ ប្រសិនបើក្រុមឧទ្ទាមកាត់ផ្តាច់អំពើហិង្សាដោយមានផែនការ ដើម្បីដោះលែងក្រុមអ្នកទោស ៣ ៥០០ នាក់ផ្សេងទៀត ក្រោយពីការចរចាបានចាប់ផ្តើមធ្វើឡើងនោះ។
លោក ហ្វៃសាល់ បានថ្លែងថា៖ «យើងចង់ឲ្យពួកគេធានាថា នឹងមិនត្រូវវិលត្រឡប់ទៅប្រយុទ្ធវិញជាដាច់ខាត»។
ចាប់តាំងពីកិច្ចព្រមព្រៀង US និងក្រុមតាលីបង់ ត្រូវបានចុះហត្ថលេខានៅក្នុងទីក្រុងដូហា៕
អត្ថបទ៖ https://www.postkhmer.com/
