ឯកឧត្តមបណ្ឌិតឧកញ៉ា ម៉ុង ឫទ្ធី ពិតជាគួរអោយគោរពនិងគួរអោយស្ញប់ស្ញែងមែន ជាមួយនិងភរិយាលោកជំទាវ ម៉ែន ស៊ុន ម៉ុង ឫទ្ធី មិនដែលសម្ញែងទ្រព្យ មិនហាយសូ រស់នៅសមញ្ញៗយ៉ាងមានក្ដីសុខបំផុត

ក្នុងមួយរយះនេះគេសង្គេតឃើញថាក្នុងសង្គមខ្មែរយើងនាពេលបច្ចុប្បន្ន គឺមានការបង្ហោះបង្អួតគ្នានិយាយពីទ្រព្យសម្បត្តិ តែគេក្រឡេកមកមើលភរិយាលោកឧកញ៉ា ម៉ុង ឫទ្ធី គឺលោកជំទាវ ម៉ែន ស៊ុន ម៉ុង ឫទ្ធី បានទាក់ចិត្តយកក្ដីស្រឡាញ់ពីមហាជន និង ការកោតសរសើរមិនដាច់ពីមាត់ថា មានស្វាមីជាសេដ្ឋីវ័លលានដុល្លារ តែលោកជំទាវមិនដែលចេះតម្កើងខ្លួន មិនចេះអួតអាង រស់នៅក្នុងជីវិតយ៉ាងសាមញ្ញបំផុត ប៉ុន្តែពោរពេញដោយសុភមង្គល ។

ក្នុងសង្គមសម័យថ្មីខណៈបុគ្គលមួយចំនួន ពេលមានបានហើយតែងប្រជែងគ្នាបង្អួតឡានវីឡា មាសពេជ្រ ពាក់ជ្រែកខ្លួន តែបើក្រឡេកទៅមើលភរិយាឧកញ៉ា ម៉ុង​ ឫទ្ធី វិញគេឃើញតែខិតខំធ្វើការងារមិនដែលទំនេរដៃ មិនថាការងារផ្ទះដាំស្លរ ការជួយជំរុញគាំទ្រស្វាមី មើលខុសត្រូវកម្មករជាដើម ។ មិនថាកិច្ចការធ្ងន់ស្រាលប៉ុនណា លោកជំទាវមិនដែលចេះទម្រើសខ្លួន អាងខ្លួនមានទ្រព្យមហាសាលយ៉ាងណាឡើយ ។ ដូចរូបភាព លោកជំទាវ ម៉ែន ស៊ុន ម៉ុង ឫទ្ធី ឃើញស្បែកជើងស្វាមីប្រឡាក់ភក់ សុខចិត្តរកក្រណាត់មកជូតសម្អាតឱ្យស្វាមី មិនដែលធ្លាប់គិតថាទង្វើបែបនេះធ្វើឱ្យអាប់ឱន ឬ មិនសមរម្យចំពោះភ្នែកអ្នកដទៃនោះឡើយ ។ នេះជាទង្វើមួយដ៏ប្រពៃបង្ហាញជាគំរូដល់គូស្វាមីភរិយាទាំងឡាយថា ទោះមានទ្រព្យប៉ុនណាក៏ដោយ បើយើងមិនចេះថែរក្សាគ្នា មិនចេះជួយគ្នា ប្រកាន់ការងារស្រី ការងារប្រុស នោះគ្រួសារក៏មិនអាចរស់នៅប្រកបដោយសុភមង្គលឡើយ ៕

By: Bonny