សមត្ថកិច្ចខណ្ឌមានជ័យ ឃាត់ខ្លួនជនសង្ស័យម្នាក់ ពាក់ព័ន្ធករណី ប៉ុនប៉ងឃាតកម្ម (យកដែកចុងស្រួចចាក់បណ្តាលឲ្យរបួស)
នៅថ្ងៃទី២៧ ខែមីនា ឆ្នាំ២០២៣ វេលាម៉ោង ១៩ម៉៣០នាទី កម្លាំងប៉ុស្ដិ៍នគរបាលបឹងទំពន់ទី២ នៃអធិការដ្ឋាននគរបាលខណ្ឌមានជ័យ បានធ្វើការឃាត់ខ្លួនជនសង្ស័យចំនួន ០១នាក់ឈ្មោះ សេន អាត ភេទប្រុស អាយុ ៥៦ឆ្នាំ នៅចំណុចផ្លូវ៣៧១ សង្កាត់បឹងទំពន់ទី២ ខណ្ឌមានជ័យ រាជធានីភ្នំពេញ ពាក់ព័ន្ធករណីអំពើប៉ុនប៉ងឃាតកម្ម (យកដែកចុងស្រួចចាក់បណ្តាលឲ្យរបួស) ដែលបានប្រព្រឹត្តនៅចំណុចការ៉ាស់សាំងPTT ផ្លូវ៣៧១ ភូមិត្នោតជ្រុំ៤ សង្កាត់បឹងទំពន់ទី២ ខណ្ឌមានជ័យ រាជធានីភ្នំពេញ កាលពីថ្ងៃទី២៧ ខែមីនា ឆ្នាំ២០២៣ វេលាម៉ោង ១៩ម៉០០នាទី ។
ជនរងគ្រោះឈ្មោះ យាន ឡាយ ភេទប្រុស អាយុ ៣៤ឆ្នាំ ជនជាតិខ្មែរ ស្នាក់នៅផ្ទះជួល ផ្លូវ៧០៥ ភូមិត្នោតជ្រុំ៤ សង្កាត់បឹងទពន់ទី២ ខណ្ឌមានជ័យ រាជធានីភ្នំពេញ មុខរបរ រើសអេតចាយ ។
ជនសង្ស័យឈ្មោះ សេន អាត ភេទប្រុស អាយុ ៥៦ឆ្នាំ ស្នាក់នៅសម្ភពស្ពានមង្គល ផ្លូវ៣៧១ ភូមិត្នោតជ្រុំ៤ សង្កាត់បឹងទពន់ទី២ ខណ្ឌមានជ័យ រាជធានីភ្នំពេញ មុខរបរ សន្តិសុខ ។
វត្ថុតាងចាប់យក : ដងដែកចុងស្រួចចំនួន០១ ទូរស័ព្ទដៃចាស់ ០១គ្រឿង និងម៉ូតូ ០១គ្រឿងម៉ាកសេ១២៥ ។
បច្ចុប្បន្នជនសង្ស័យខាងលើ កំពុងឃាត់ខ្លួននៅអធិការដ្ឋាននគរបាលខណ្ឌមានជ័យ ដើម្បីកសាងសំណុំរឿងចាត់តាមនីតិវិធី ៕
