ស្រីប្រុស ១៥នាក់ ត្រូវកម្លាំងកងរាជអាវុធហត្ថខេត្តព្រះសីហនុ បង្ក្រាបពាក់ព័ន្ធនឹងករណីជួញដូរដោយខុសច្បាប់នូវសារធាតុញៀន

16th February 202216th February 2022 hongkie ព័ត៌មានសន្តិសុខនិងសង្គម

ព្រះសីហនុ÷ គោរពតាមបទបញ្ជាដ៏មុឺងម៉ាត់របស់លោកឧត្តមសេនីយ៍ត្រី ហេង ប៊ុនទី មេបញ្ជាការ កងរាជអាវុធហត្ថខេត្តព្រះសីហនុ នៅថ្ងៃទី១៤ ខែកុម្ភ: ឆ្នាំ២០២២ កម្លាំងការិយាល័យប្រឆាំងគ្រឿងញៀន មន្ទីរស្រាវជ្រាវនិងបង្រ្កាបបទល្មើស កងរាជអាវុធហត្ថខេត្តព្រះសីហនុ ចំនួន ១៥នាក់ ដឹកនាំដោយលោករសេនីយ៍ត្រី ឡុង គឹមហួរ នាយការិយាល័យ សហការមូលដ្ឋានកងរាជអាវុធហត្ថក្រុងព្រះសីហនុ ដឹកនាំដោយលោកអនុសេនីយ៍ឯក អ៊ុក ពិសិដ្ឋ មេបញ្ជាការ ចុះបង្ក្រាបមុខសញ្ញាពាក់ព័ន្ធនឹងករណីជួញដូរដោយខុសច្បាប់នូវសារធាតុញៀនចំនួន ០៣ទីតាំងផ្សេងគ្នា ស្មើនឹង ០៣លើក ក្នុងភូមិសាស្ត្រក្រុងព្រះសីហនុ។