អគ្គិភ័យឆេះរថយន្តមួយគ្រឿងម៉ាក Range Rover នៅក្រុងព្រះសីហនុ
ស្នងការដ្ឋាននគរបាលជាតិ៖ នៅយប់ថ្ងៃទី២៤ ខែឧសភា ឆ្នាំ២០២៣ វេលាម៉ោង០១ និង៣០នាទីយប់រំលងអាធ្រាត្រ មានករណីអគ្គិភ័យឆេះរថយន្តមួយគ្រឿងម៉ាក Range Rover ពណ៌ ស ស្លាកលេខ កម្ពុជា FCAI1668 ដែលកេីតឡើងស្ថិតក្នុងចំនុចក្រុម១ ភូមិ៦ សង្កាត់លេខ៤ ក្រុងព្រះសីហនុ ខេត្តព្រះសីហនុ ដែលមានម្ចាស់រថយន្តឈ្មោះ ទាវ គឹមភាវ ។
មន្រ្តីនគរបាលក្រុងព្រះសីហនុ បានឲ្យដឹងថា ៖ មូលហេតុបណ្តាលមកពីធ្លាយធុងប្រេងរថយន្តបង្កជាអគ្គិភ័យធ្វើឲ្យឆាបឆេះរថយន្តតែម្តង ។ ការខូចខាតរួមមានឆេះរថយន្ត ០១ គ្រឿង អស់ទាំងស្រុង ។ កងកម្លាំងនគរបាលបង្ការពន្លត់អគ្គិភ័យ និងសង្គ្រោះ បានចេញរថយន្តពន្លត់អគ្គិភ័យចំនួន ០១ គ្រឿង រថយន្តរបស់ស្នងការដ្ឋាននគរបាលខេត្តព្រះសីហនុ ប្រើប្រាស់ទឹកអស់ចំនួន ០១រថយន្ត ។ រថយន្តពន្លត់កងរាជអាវុធហត្ថខេត្តចំនួន ០១ គ្រឿង ប្រើប្រាស់ទឹកអស់ ០១រថយន្ត ។ រថយន្តពន្លត់អគ្គិភ័យកងរាជអាវុធក្រុងចំនួន ០១គ្រឿង មិនបានប្រើប្រាស់ទឹក ។
ករណីខាងលើនេះបានពន្លត់រលត់ទាំងស្រុងនៅវេលាម៉ោង០២ និង០០នាទីទៀបភ្លឺ នាថ្ងៃខែឆ្នាំដដែល ៕
