អធិការដ្ឋាននគរបាលខណ្ឌមានជ័យឃាត់ខ្លួនជនសង្ស័យចំនួន ០២នាក់ ពាក់ព័ន្ធករណីអំពើប៉ុនប៉ងលួច (យកទ្រព្យសម្បត្តិ)

កាលពីថ្ងៃទី ២៥ ខែ កុម្ភៈ ឆ្នាំ ២០២២ វេលាម៉ោង ០០ម៉៣០នាទីរំលងអាធ្រាត្រ កម្លាំងផ្នែកអន្តរាគមន៍ នៃអធិការដ្ឋាននគរបាលខណ្ឌមានជ័យ ធ្វើការល្បាតពួនស្ទាក់ក្នុងមូលដ្ឋានខណ្ឌមានជ័យ ពេលជិះមកដល់ចំណុចបណ្តោយផ្លូវលេខ ៦៩BT ភូមិ ត្នោតជ្រុំ២ សង្កាត់ បឹងទំពន់ទី២ ខណ្ឌ មានជ័យ រាជធានីភ្នំពេញ (កន្លែងកើតហេតុ) ស្រាប់តែជនសង្ស័យចំនួន ០៤ នាក់ឈ្មោះ ម៉ាក សៀវឃៀង ហៅ ហ៊ាង ភេទ ប្រុស អាយុ ៣៦ ឆ្នាំ, ឈ្មោះ លីម ឧត្តម ហៅ ស្រស់ ភេទ ប្រុស អាយុ ២៨ ឆ្នាំ ជិះម៉ូតូ ០១គ្រឿងម៉ាក ស្គុបពី (គ្មានអាវ) ពាក់ស្លាកលេខភ្នំពេញ ១K-៧៥២០ និងបក្ខពួកឈ្មោះ ឌី ភេទ ប្រុស អាយុ ៣៣ ឆ្នាំ ព្រមទាំងបក្ខពួកម្នាក់ទៀតមិនស្គាល់ឈ្មោះ ភេទ ប្រុស អាយុប្រហែល ៣០ ឆ្នាំ ជិះម៉ូតូ ០១គ្រឿងទៀតម៉ាក ប៊ីត ពណ៌ ខៀវ (មិនចាំស្លាកលេខ) កំពុងជិះម៉ូតូតាមផ្លូវបន្តបន្ទាប់និយាយគ្នា ដោយមានកាសង្ស័យកម្លាំងសមត្ថកិច្ចយើងបានចូលទៅធ្វើការត្រួតពិនិត្យ ស្រាប់តែបក្ខពួកជនសង្ស័យឈ្មោះ ឌី និងជនសង្ស័យម្នាក់ទៀតមិនស្គាល់ឈ្មោះ បានបើកម៉ូតូរត់គេចខ្លួនបាត់ ភ្លាមៗនោះកម្លាំងសមត្ថកិច្ចយើងបានធ្វើការឃាត់ខ្លួនជនសង្ស័យ ០២នាក់ ឈ្មោះ ម៉ាក សៀវឃៀង ហៅ ហ៊ាង និងឈ្មោះ លីម ឧត្ដម ហៅ ស្រស់ ធ្វើការត្រួតពិនិត្យរកឃើញឧបករណ៍សម្រាប់កាច់សោរកម៉ូតូមួយចំនួនដូចជា : -ដែកចុងស្រួចចំនួន ០១ និងសោរចិញ្ចៀនលេខ៨ចំនួន ០១ នៅជាប់នឹងខ្លួនជនសង្ស័យឈ្មោះ ម៉ាក សៀវឃៀង ហៅ ហ៊ាង ក៏ឃាត់ខ្លួនយកមកសាកសួរនៅទីស្នាក់ការប៉ុស្តិ៍នគរបាលបឹងទំពន់ទី២តែម្តង បន្ទាប់ពីសាកសួររួចជនសង្ស័យទាំង ០២នាក់ខាងលើរួច ក៏បានឆ្លើយសារភាពថា ពួកខ្លួនពិតជាមានបំណងដើររកលួចម៉ូតូរបស់ប្រជាពលរដ្ឋនៅក្នុងសង្កាត់ បឹងទំពន់ទី២ ខណ្ឌ មានជ័យ រាជធានីភ្នំពេញ ពិតប្រាកដមែន ។

១-ជនសង្ស័យឈ្មោះ ម៉ាក សៀវឃៀង ហៅ ហ៊ាង ភេទ ប្រុស អាយុ ៣៦ ឆ្នាំ ជនជាតិ ខ្មែរ មានទីលំនៅផ្ទះលេខ ១១z ផ្លូវ ២៨៨ ក្រុម ៥ សង្កាត់ អូឡាំពិក ខណ្ឌ បឹងកេងកង រាជធានីភ្នំពេញ មុខរបរ ជាងជួសជុលម៉ូតូ ។ (មានផ្ទុកសារធាតុញៀន)

២-ជនសង្ស័យឈ្មោះ លីម ឧត្តម ហៅ ស្រស់ ភេទ ប្រុស អាយុ ២៨ ឆ្នាំ ជនជាតិ ខ្មែរ មានទីលំនៅផ្ទះលេខ ១១z ផ្លូវ ២៨៨ ក្រុម ៥ សង្កាត់ អូឡាំពិក ខណ្ឌ បឹងកេងកង រាជធានីភ្នំពេញ មុខរបរ ជាងជួសជុលម៉ូតូ ។ (មានផ្ទុកសារធាតុញៀន)

វត្ថុតាងចាប់យក : -ម៉ូតូ ០១ គ្រឿងម៉ាក ស្គុបពី (គ្មានអាវ) ពាក់ស្លាកលេខភ្នំពេញ ១K-៧៥២០ សេរីឆ្នាំ ២០១៥ លេខតួ+លេខម៉ាស៊ីន=៨០០៥៧១៩, ដែកចុងស្រួចចំនួន ០១, សោរចិញ្ចៀនលេខ៨ចំនួន ០១, កាបូបដៃចំនួន ០១ និងទូរស័ព្ទដៃចាស់ ០១គ្រឿង ។

បច្ចុប្បន្នជនសង្ស័យឃាត់ខ្លួននៅអធិការដ្ឋាននគរបាលខណ្ឌមានជ័យ ដើម្បីកសាងសំណុំរឿងចាត់តាមនីតិវិធី៕

Book Bus Ticket Online With LankrongTicket.com Book Bus Ticket Online