អ៊ីតាលី​បិទ​ហាង​លក់ ទំនិញ​ទូទាំងប្រទេស ដើម្បី​ប្រយុទ្ធប្រឆាំង វីរុស​ផ្លូវដង្ហើម​កូរ៉ូណា

តង់​នៅក្រៅ​ផ្ទះ​ត្រូវបាន​ដំឡើង​សម្រាប់​ស្កែន​អ្នកជំងឺ​ត្រូវគេ​សង្ស័យ​ថា​មាន​រោគសញ្ញា​វីរុស​កូរ៉ូណា​។ ​រូបថត AFP

ក្រុងរ៉ូមៈ ប្រទេស​អ៊ីតាលី​កាលពី​ថ្ងៃ​ពុធ​បាន​បិទ​ហាង​លក់ទំនិញ​ទាំងអស់ លើកលែង​តែ​ឱសថស្ថាន និង​ហាង​លក់​ម្ហូបអាហារ​នៅក្នុង​កិច្ចខិតខំ​ប្រឹងប្រែង​យ៉ាងខ្លាំង​មួយ ដើម្បី​បញ្ឈប់​ការឆ្លង​រីករាលដាល​នៃ​វីរុស​ផ្លូវដង្ហើម​កូរ៉ូណា ប្រភេទ​ថ្មី​ដែល​បណ្តាល​ឲ្យ​មនុស្ស​ ៨២៧ ​នាក់​ស្លាប់​នៅក្នុង​ប្រទេស​នេះ​ត្រឹមតែ​រយៈពេល​ ២ ​សប្តាហ៍​ប៉ុណ្ណោះ​។

នាយករដ្ឋមន្ត្រី​អ៊ីតាលី​លោក ហ្គូសិបប៉េ ខុនទី បានប្រកាស​អំពី​រលក​នៃ​ការ​រឹតត្បិត​ចុងក្រោយ​បំផុត​ក្នុង​ការប្រកាស​សោកនាដកម្ម​មួយ​ចំពោះ​ប្រទេស ដែល​បាន​កើតឡើង​ជាមួយ​ប្រទេស​មាន​ប្រជាជន​ចំនួន​ ៦០ ​លាន​នាក់​បាន​ប្រយុទ្ធ​ប្រឆាំង​វិបត្តិ​ធំ​បំផុត​ជា​បន្តបន្ទាប់​នៅក្នុង​ប្រទេស​នេះ​។

លោក​ ហ្គូសេបប៉េ ខុនទី បាន ថ្លែង​សុន្ទរកថា​របស់លោក​នៅ​ពេល​ល្ងាច​ក្នុង​រយៈពេល​ ៩ ​នាទី​ទៅកាន់​ជនរួមជាតិ​អ៊ីតាលី​ថា​៖ «​អរគុណ​ចំពោះ​ប្រជាជន​អ៊ីតាលី​ទាំងអស់​ដែល​បានធ្វើ​ពលិកម្ម​គ្រប់បែប​។ យើង​កំពុង​ក្លាយទៅជា​ប្រទេស​មួយ​ដ៏អស្ចារ្យ​»​។

ប្រជាជន​អ៊ីតាលី​ត្រូវបាន​គេ​មើលឃើញ​អំពី​ការរឹតត្បិត​កាន់តែ​ខ្លាំង​ឡើង​បន្តិច​ម្តងៗ​នៅក្នុង​ការរៀបចំ​ជីវិត​រស់នៅ​ប្រចាំថ្ងៃ​។

ប្រធាន​មន្ទីរពេទ្យ​ Cardarelli ​នៅ​ក្រុង​ណាប់ឡេស លោក ហ្គូសេបប៉េ ឡុនហ្គោ ឈរ​ថត​នៅក្នុង​ការិយាល័យ​។ ​AFP

នៅក្នុង​ការចាត់​វិធានការ​ភ្លាមៗ​ទៅលើ​ការប្រមូលផ្តុំ​ជា​សាធារណៈ និង​ការធ្វើដំណើរ​ជា​មូលដ្ឋាន​មាន​ភាព​ស្ងាត់ជ្រងំ​នៅតាម​ដងផ្លូវ ហើយ​បាន​បិទ​អ្វី​គ្រប់យ៉ាង​ចាប់ពី​ព្រះវិហារ​រហូតដល់​ភោជនីយដ្ឋាន​។

ក្រុម​អ្នក​ថតរូប​ AFP បាន​កត់សម្គាល់​ទៅលើ​ក្រុម​បុគ្គលិក​អនាម័យ​ដែល​ក្នុង​សម្លៀកបំពាក់​នីឡុង និង​ស្រោមដៃ​​កៅស៊ូ​បាន​បាញ់​ទឹក​អាល់កុល សម្លាប់​មេរោគ​នៅ​ទីលាន Saint Mark នៅក្នុង​ទីក្រុង​ហ្វ្លរិន​ជាមួយ​ទឹក​ថ្នាំ​សម្លាប់​មេរោគ​នៅតាម​ទុយោទឹក​។

ព្រះវិហារ​ធំៗ​មួយចំនួន​បាន​សរសេរ​សេចក្តី​ជូនដំណឹង​ដោយ​ដៃ ដើម្បី​លុបចោល​ការប្រមូលផ្តុំ​ទ្រង់ទ្រាយ​ធំ ហើយ​ហាង​កាហ្វេ​ខ្លះ​បាន​សុំទោស ចំពោះ​ការបញ្ជាទិញ​របស់​ពួកគេ​សម្រាប់​ការទទួល​ទាន​ត្រូវបាន​លុបចោល​។

លោក​ ម៉ូស្កូលវីត យីកាតឺរី ណា មាន​វ័យ​ ៣០ ​ឆ្នាំ​បាន​ថ្លែង ខណៈ​បង្ហោះ​រូបថត​តែ​ ១ ​សន្លឹក​ដោយ​តាម​ធម្មតា​បាន​ប្រញាប់ប្រញាល់​ទៅ​កន្លែង​វិមាន​ Trevi Fountain នៅ​កណ្តាល​ទីក្រុង​រ៉ូម​។

នាយករដ្ឋមន្ត្រី​អ៊ីតាលី​លោក ហ្គូសេបប៉េ ខុនទី បាន​ថ្លែងថា ការបិទ​ស្ទើរតែ​អ្វីៗ​គ្រប់យ៉ាង​ដែល​បាន​នៅ​បើក​នឹង​ដំណើរការ​រយៈពេល​យ៉ាងតិច ២ សប្តាហ៍​ទៀត​។

ប្រជាជន​អ៊ីតាលី​នឹង​បាន​អ្វីខ្លះ​សម្រាប់​ទទួលទាន​នៅក្នុង​អំឡុង​ពេលនេះ​តាមរបៀប​ណា​នោះ​មិនទាន់​ដឹង​ច្បាស់​ទេ​។

លោក ហ្គូសេបប៉េ ខុនទី បាន​ថ្លែងថា​៖ «​រាល់​ហាង​ទាំងអស់​នឹងត្រូវ​បាន​បិទ លើកលែង​តែ​វា​ចាំបាច់​តែប៉ុណ្ណោះ ដូចជា ឱសថស្ថាន និង​ហាងលក់​ម្ហូបអាហារ​»​។

អ្នកធ្វើការ​នៅ​មន្ទីរពេទ្យ​ត្រូវបាន​គេ​ថត​នៅ​ច្រកទ្វារ​ចូល​នៃ​ផ្នែក​សង្គ្រោះ​បន្ទាន់​នៃ​មន្ទីរពេទ្យ​ Cardarell i​។ AFP

«​រង្គសាល តៀមស្រា ភោជនីយដ្ឋាន ហាង​អ៊ុតសក់ និង​អាហារដ្ឋាន​មួយចំនួន​ផ្សេងទៀត​នឹងត្រូវ​បាន​បិទ​ទាំងស្រុង និង​សេវា​ដឹក​ដឹកជញ្ជូន​ត្រូវបាន​អនុញ្ញាត​»​។

លោក​បាន​សង្កត់ធ្ងន់​ថា​៖ «​មិនបាច់​ប្រញាប់ប្រញាល់​ទិញ​ស្បៀង​ទុក​នោះទេ​»​។

ការប្រកាស​របស់​លោក​ ហ្គូសេបប៉េ ខុនទី បានធ្វើ​ឡើង​ក្រោយពី​រដ្ឋាភិបាល​របស់លោក​បាន​សន្យា​ចំណាយ​ថវិកា​រហូត​ដល់​ ២៨ ​ពាន់​លាន​ដុល្លារ ដើម្បី​ប្រយុទ្ធប្រឆាំង​ជំងឺ​មួយ​នេះ​ដែល​បានធ្វើឲ្យ​មន្ទីរពេទ្យ​មួយចំនួន និង​សេដ្ឋកិច្ច​ស្ថិតនៅក្នុង​សភាព​តានតឹង​កាន់តែ​ខ្លាំង​ឡើង​។

ទំហំ​នៃ​ការជួយ​សង្គ្រោះ​នៅក្នុង​ទីក្រុង​រ៉ូម​គឺ​ស្រដៀង​គ្នា​មួយ​ទៅនឹង​សហភាព​អឺរ៉ុប​បាន​ប្រកាស​សម្រាប់​ប្លុក​ ២៧ ​ប្រទេស​កាលពី​ថ្ងៃ​ចន្ទ​កន្លងទៅ​។

ក្រសួង​សេដ្ឋកិច្ច​អ៊ីតាលី​គឺ​លោក រូប៊ឺតតូ ហ្គាល់ទីរី បាន​ថ្លែងថា ថវិកា​ពាក់កណ្តាល​នឹង​ត្រូវបាន​ប្រើប្រាស់​បន្ទាន់ និង​ពាក់កណ្តាល​ផ្សេងទៀត រក្សាទុក​សម្រាប់​វិបត្តិ​នេះ​។

យោងតាម​សាកលវិទ្យាល័យ​ Johns Hopkins បាន​ឲ្យ​ដឹងថា WHO បានប្រកាស​កាលពី​ថ្ងៃ​ពុធ​ថា វីរុស​កូរ៉ូណា​បាន​ឆ្លងទៅ​មនុស្ស​ជាង​ ១២៦-០០០ ​នាក់ និង​មនុស្ស​ជាង​ ៤៦០០ ​នាក់​ស្លាប់​នៅ​ទូទាំង​ពិភពលោក​៕

អត្ថបទ៖ https://www.postkhmer.com/

Book Bus Ticket Online With LankrongTicket.com Book Bus Ticket Online