ឥលូវនេះអាជ្ញាធរខេត្តព្រះសីហនុ បានចេញវិធានថ្មីចាប់ពីថ្ងៃទី២២ ខែមិថុនា លែងឲ្យមានលក់ដូរតាមរទេះរុញម៉ូតូ ឬឡាន នៅតាមដងផ្លូវព្រោះតែមូលហេតុ៦យ៉ាងដូចខាងក្រោម៖

ខេត្ត​ព្រះ​សីហ​នុ ៖  ​អាជ្ញាធរ​ក្រុងព្រះសីហនុ​បានចេញវិធានការថ្មីមួយទៀតដោយមិន​អនុញ្ញាត​ឲ្យ​អ្នក​លក់ដូររឺលក់​សម្ភារៈ​ប្រើប្រាស់ផ្សេងៗ និង ម្ហូបអាហារ បន្លែ ​ត្រី​សាច់ ដែល​ដឹក​តាម​រទេះរុញ រឺ រ៉ម៉កម៉ូតូ ​ឡាន នៅ​តាម​ដងផ្លូវ និង នៅលើចិញ្ចើម​ផ្លូវ នៅលើទីតាំង​សាធារណៈ​នានា​ក្នុងភូមិ​សាស្ត្រក្នុង​ក្រុងព្រះសីហនុ​​ទៀតលើយ​ ។ យោង​តាម​កិច្ចប្រជុំ​ពិភាក្សារបស់​សាលា​ក្រុងព្រះសីហនុ​ជាមួយ​និងក្រុម​អាជីវករលក់ដូរនោះនៅ ​រសៀល ថ្ងៃ​ទី​១៧ ខែមិថុនា ឆ្នាំ​២០២០ ។

បើតាម​ខ្លឹមសារ​នៃ​អង្គប្រជុំនេះ​បាន​លើក​ឡើង​ថា ​អ្នកលក់​ដូរ​ទាំង​អស់នោះ​ ​ដូច​ជា​រទេះរុញ ម៉ូតូ​រ៉ម៉កកង់​បី និង​ឡានផ្សេងៗជាដើម បានធ្វើការចត​លក់ដូរ​លើ​ដងផ្លូវ និងលើ​ចិញ្ចើម​ផ្លូវ តាម​ឆ្នេរ និង​ទីតាំង​សាធារណៈ​ផ្សេងៗជាដើម ​ដែល​ជា​ហេតុ​បង្កអោយ​មានការ​លំបាក​ជា​ច្រើន​ដូច​ជា ៖

១-​ធ្វើ​ឲ្យ​មានការកក​ស្ទះ​ចរាចរណ៏ និង​អាចបង្កអោយមានការ​គ្រោះថ្នាក់​ចរាចរណ៏​ជាយថាហេតុ​បាន

២-ធ្វើអោយ​គ្មាន​សណ្តាប់ធ្នាប់​នៅតាមទីសាធារណៈ និង​របៀបរៀបរយ​របស់សង្គមសង្គម​ផងដែរ

៣-​ធ្វើអោយបាត់បង់​សោ​ភណ្ឌ​ភាព​ និង បរិយាកាសល្អនៃទីក្រុង​

៤-​អ្នកលក់ដូរ មិន​បាន​វេច​ខ្ចប់​សំរាម​ឲ្យ​បាន​ត្រឹមត្រូវ និង ទុកអោយមានរបៀបរៀបរយវាអាច ​ប៉ះពាល់​បរិស្ថាន​ជាដើម

៥-​អ្នក​លក់ដូរ​តាម​រទេះរុញ ម៉ូតូរ៉ម៉ក​កង់​បី និង​ឡាន​ដឹកចុះឡើង ទាំងនេះ មិនមែន​អ្នក​រស់នៅ​ក្រុងព្រះសីហនុ ឬ ខេត្ត​ព្រះ​សីហ​នុ នោះ​ទេ​តែ​ភាគច្រើន​បំផុត​គឺ​មក​ពី​បណ្តា​ខេត្ត​ផ្សេង​ៗផងដែរ

​៦-​អ្នក​លក់ដូរ​តាម​ម៉ូតូ​រ៉ម៉កកង់​បី និង​ឡាន​ ភាគច្រើន បាន​ប្រាប់អោយដឹង​ថា ពួក​គាត់​ស្នាក់​នៅ​ក្នុង​ម៉ូតូ​កង់​បី និង​ក្នុង​ឡាន ​របស់​ខ្លួន រីឯ​អ្នកខ្លះ បាន​និយាយថា​គាត់ស្នាក់​នៅ​ក្នុង​ដី​ឡូ​តិ៍​ដែល​មិន​មានមនុស្សរស់នៅ និងនៅតាមដី​ចិញ្ចើម​ផ្លូវ ដី​អូរ ដី​ឆ្នេរ ដី​សាធារណៈ និង​ដី​ម្ចាស់​មិន​បាន​មើលថែ​ប្រាកដជា​ក្លាយជា​មុខសញ្ញា​សម្រាប់​ពួក​គាត់​រំលោភ​សាងសង់​កន្លែង​ស្នាក់​នៅ​អចិន្ត្រៃយ៍​មិន​ខាន ។

តាម​ប្រភព​ពត៏មានបាន​ឲ្យ​ដឹង​បន្ថែមទៀតថា សាលា​ក្រុងព្រះសីហនុ​បាន​ដាក់​ចេញ​នូវ​វិធានការ​ចាប់ពី​ថ្ងៃ​ទី​២២ ខែមិថុនា ឆ្នាំ​២០២០ រដ្ឋបាល​សាលា ក្រុង​នឹង​មិន​អនុញ្ញាត​ឲ្យ​មាន​រទេះរុញ ម៉ូតូ​ រ៉ម៉កកង់​បី និង​ឡាន​ផ្សេងៗ នៅតាមដងផ្លូវ និង នៅតាមចិញ្ចើម​ផ្លូវ ឆ្នេរ និង​ទីតាំង​សាធារណៈ ចត​លក់ដូរ​សម្ភារៈ​ប្រើប្រាស់ និង​ម្ហូបអាហារ បន្លែ ត្រី​សាច់ នៅ​ក្នុង​ក្រុងព្រះសីហនុ​ទៀត​នោះ​ទេ ។ ករណី​បើអាជីវករនៅតែមិន​អនុវត្ត​តាម​ការ​ណែនាំ របស់រដ្ឋបាល​សាលាក្រុង​នឹង​ប្រើ​វិធានការ​រដ្ឋនិងចាត់វិធានការតាមផ្លូវច្បាប់ដោយចាប់ដកហូត​ឧបករណ៏មធ្យោបាយ​ទាំងនោះ​យក​មក​រក្សា​ទុក​នៅ​សាលាក្រុង​ លើក​ទី​១ រក្សា​ទុក​ចន្លោះ ១-២ ស​ប្តា​ហ៍ ចាប់​លើក​ទី​២​នឹង​មិន​ប្រគល់​ឲ្យ​វិញ​នោះ​ទេ ។

យោងតាមសាលា​ក្រុងព្រះសីហនុ​ក៏​បាន​បញ្ជាក់​ជូន​បន្ថែមទៀត​ថា រដ្ឋបាលនៃសាលា​ក្រុងព្រះសីហនុ​មិន​ហាមឃាត់​ចំពោះ​បងប្អូន​ដែល​ចង់​ប្រកប​អាជីវកម្មនោះទេ ឬ ក៏បងប្អូនណាដែលចង់ប្រកប​មុខរបរ​នៅ​ក្នុង​ក្រុងព្រះសីហនុ ​សូម​រក​ទីតាំង​ច្បាស់លាស់ និង​ស្របច្បាប់ ដើម្បី​ប្រកប​អាជីវកម្ម មិន​អាច​យក​ដងផ្លូវ រឺ ចិញ្ចើម​ផ្លូវ ឆ្នេរ និង​ទី​សាធារណៈ​ផ្សេងៗធ្វើជាកន្លែងប្រកប​អាជីវកម្ម​ផ្ទាល់ខ្លួននោះ​ទេ៕

ដោយ : Bonny ប្រភព: ពីអាញ្ញាធរខេត្តព្រះសីហនុ

Book Bus Ticket Online With LankrongTicket.com Book Bus Ticket Online