ឪពុកចុងប្រេីហិង្សាដោយញញួរដែកទៅលេីកូនចុងបណ្តាលឱ្យរងរបួសធ្ងន់ដោយសារទំនាស់ពាក្យសំដីនៅស្រុកសំពៅលូន

នៅថ្ងៃ​ សៅរ៍​ ២រោច​ខែ​ផល្គុន​ឆ្នាំឆ្លូវត្រីស័ក​ព.ស​.​២៥៦៥​ ត្រូវនឹងថ្ងៃទី​១៩​ខែ​ មីនា​ ឆ្នាំ​២០២២​ វេ​លា​​ម៉ោង០១ និង ២០ នាទី នៅចំណុចភូមិអូរស្ងាត់ ឃុំសន្តិភាព ស្រុកសំពៅលូន ខេត្តបាត់ដំបង ស្របតាមយោបល់ដឹកនាំរបស់លោកឧត្តមសេនីយ៍​ទោ​ សាត​ គឹមសាន​ ស្នងការនៃស្នងការដ្ឋាននគរ​បាលខេត្តបាត់ដំបង​ រួមនឹងយោបល់របស់លោកវរសេនីយ៍ឯក​ លឹម​ ពុទ្ធីឡា​ ស្នងការរងផែនការ​ងារនគរបាលព្រហ្មទ័ណ្ឌ​ លោកវរសេនីយ៍ទោ​ ទឹម​ វិឆ័យ​ អធិការនគរបាលស្រុកសំពៅលូន​បាន​ដឹកនាំកម្លាំងផ្នែកជំនាញ​នៃអធិការដ្ឋាននគរបាលស្រុកសំពៅលូន រួមជាមួយកម្លាំងប៉ុស្តិ៍នគរបាលរដ្ឋបាលសន្តិភាព ធ្វើការស្រាវជ្រាវបង្ក្រាបករណី​ហិង្សាក្នុងគ្រួសារ ចំនួន ០១ ករណី ដោយឃាត់​ខ្លួនជនសង្ស័យចំនួន ០១ នាក់ ឈ្មោះ ស៊ឹម ស្រួច ភេទប្រុស អាយុ ៣៥ ឆ្នាំ ភេទប្រុ​ស មានទីលំ​នៅភូមិអូរស្ងាត់ ឃុំសន្តិភាព ស្រុកសំពៅ​លូន ខេត្តបាត់ដំបង ដោយនាំមកកាន់អធិការដ្ឋាននគរបាលស្រុក​ បន្ទាប់ពីទទួលបាននូវពាក្យបណ្តឹងរ​បស់គ្រួសារជនរងគ្រោះរួចមក​ ដោយក្នុងនោះបានដក​ហូតញញួរដែកចំនួន០១ជាវត្ថុតាងផង។

សូមជម្រាបជូនថា​ មូលហេតុដែលឈានដល់ការឃាត់ខ្លួននេះគឺកាលពីថ្ងៃទី១៨ ខែមីនា ឆ្នាំ២០២២ វេលាម៉ោង​ប្រមាណ២២ និង ០៥នាទី នៅចំ​ណុច​ក្រុមទី១០ ភូមិអូស្ងាត់ ឃុំសន្តិ​ភាព ស្រុកសំពៅ​លូន ខេត្តបាត់ដំបងជនសង័្សយដែលជាឪពុកចុងរូបនេះបានធ្វើសកម្មភាពយកញញួរដងដែក វាយទៅលើជនរងគ្រោះឈ្មោះ ហ៊ន ស្រីណា ភេទ​ស្រី អាយុ ១៧ ឆ្នាំ (ដែលត្រូវជាកូនចុង) រស់នៅក្នុងផ្ទះជាមួយគ្នា បណ្ដាលឱ្យរងរបួសក្បាលពីខាង​ក្រោយ​ និង មុខចំហៀងខាងស្តាំ (របួស​ធ្ងន់ធ្ងរ)​។

លោកវរសេនី​យ៍ទោ​ ទឹម​ វិឆ័យ​ អធិការនគរបាលស្រុកសំពៅលូន​ បានបញ្ជាក់ថា​ មូលហេតុឈានដល់ករណីហិង្សាដោយប្រប្រាស់ញញួរដែកបែបនេះគឺឪពុកចុង​ បានស្តីបន្ទោសឱ្យជនរងគ្រោះជាកូនចុងនេះ​ ខណៈដែលគាត់ឃេីញ​ កូនស្រីទូរស័ព្ទទំនាក់ទនងជាមួយ(បុរស)​ ហេីយ​ការហាមឃាត់ពីសំណាក់ឪពុកចុងនេះមិនត្រូវបានទទួលយកពីកូនចុងនោះទេ​ ដែលជាហេតុ​នាំទៅដល់កេីតទំនាស់ពាក្យសំដីដាក់គ្នា​ ហេីយឪពុកចុងបានប្រេីប្រាស់ញញួរដែកនេះវាយទៅ​លេីកូនចំនួន០៤ញញួរ​ បណ្តាលឱ្យរងរបួសធ្ងន់​ធ្ងរត្រូវនាំយកទៅសង្រ្គោះនៅមន្ទីរពេទ្យ។

បច្ចុប្បន្នជនសង្ស័យនិងវត្ថុតាងនគរបាលស្រុកកំពុងកសាងសំណរឿង បញ្ជូនមកការិយាល័យ ជំនាញចាត់ការបន្តតាម​នីតិវិធី​ ច្បាប់៕

 

Book Bus Ticket Online With LankrongTicket.com Book Bus Ticket Online