អង្គភាពសុីម៉ាក់ ចុះប្រមូលគ្រាប់យុទ្ធភ័ណ្ឌមិនទាន់ផ្ទុះសល់ពីសម័យសង្គ្រាមស្ថិតក្នុងតំបន់ភូមិសាស្រ្តខេត្តតាកែវ
ខេត្តតាកែវ៖ នៅថៃ្ងសុក្រ ១១កើត ខែស្រាពណ៍ ឆ្នាំជូត ទោសក័ ពុទ្ធសករាជ២៥៦៤ ត្រូវនឹងថ្ងៃទី៣១ ខែកក្កដា ឆ្នាំ២០២០ កម្លាំងជំនាញការិយាល័យអាវុធជាតិផ្ទុះ សហការជាមួយកម្លាំងជំនាញនៃអធិការដ្ឋាន និងកម្លាំងប៉ុស្តិ៍នគរបាលរដ្ឋបាលនៃអធិការដ្ឋាននគរបាលគ្រប់ក្រុង/ស្រុក បានចុះប្រមូលគ្រាប់យុទ្ធភ័ណ្ឌមិនទាន់ផ្ទុះសល់ពីសម័យសង្គ្រាមស្ថិតក្នុងតំបន់ភូមិសាស្រ្តខេត្តតាកែវ ។ ដែលប្រជាពលរដ្ឋបានប្រទះឃើញ ហើយក៏បានរាយការណ៍ជូនសមត្ថកិច្ចមានចំនួន២០គ្រាប់ ក្នុងនោះមាន០២ គឺជាប្រភេទសំបកគ្រាប់ផ្លោង១៥៥មម ចំនួន០២គ្រាប់ ដែលលោកតា មៀច គេន និងលោកតា សួន សុំយកមកធ្វេីជាទ្រនាប់ដំដែក នៅភូមិតាហៀន ឃុំព្រៃយុថ្កា ស្រុកកោះអណ្តែត។
ប្រភេទនឹងចំនួនគ្រាប់ដែលបានរកឃើញមាន៖
- ប្រភេទ ១០៥មម ចំនួន០៣គ្រាប់
- ប្រភេទ ៨២មម ចំនួន០១គ្រាប់
- ប្រភេទ ៨១មម ចំនួន០១គ្រាប់
- ប្រភេទ ៦០មម ចំនួន០៤គ្រាប់
- ប្រភេទ DK៧៥មម ចំនួន០៣គ្រាប់
- ប្រភេទ គ្រាប់បែកដៃ ចំនួន០៦គ្រាប់
គ្រាប់ដែលបានរកឃើញទាំងអស់ខាងលើ កម្លាំងជំនាញបានប្រគល់ជូនឲ្យអង្គភាពសុីម៉ាក់ ដើម្បីយកទៅកម្ទេចរួចហើយផងដែរ៕
