ពិតជាមិនធម្មតាមែនក្រោយពីចាប់ខ្លួនមេកំពូលរត់ពន្ធគ្រឿងញៀននៅអាស៊ី (វីដេអូ)
ប្រទេសហូឡង់ ៖ អាជ្ញាធរអូស្ត្រាលីកាលពីថ្ងៃទី២៤ មករាទាមទារ ឲ្យធ្វើបត្យាប័នបុរសម្នាក់ដែលត្រូវចាប់ខ្លួននៅប្រទេសហូឡង់ ដែលជននោះសង្ស័យជាកំពូលមេរត់ពន្ធគ្រឿងញៀននៅអាស៊ី និងជាមនុស្សម្នាក់ដែលគេតាមរកចាប់ខ្លួនបំផុតលើពិភពលោក ។
បុរសនោះមានឈ្មោះថា TSE CHI LOP អាយុ៥៧ឆ្នាំ ដែលគេតាមរកចាប់ខ្លួនចាប់តាំងពីច្រើនឆ្នាំមកហើយ ។ រូបគេត្រូវចាប់ខ្លួនបានកាលពីថ្ងៃទី២២ មករា ដោយប៉ូលិសហូឡង់តាមសំណើ
របស់ប៉ូលិសសហព័ន្ធអូស្ត្រាលី ។ ក្នុងសេចក្ដីប្រកាសមួយអាជ្ញាធរអូស្ត្រាលីថ្លែងថា បុរសនោះតាមរកបំផុតដោយអាជ្ញាធរប៉ូលិស ត្រូវចាប់ខ្លួនបាន ។ ជននោះជាស្ដេចរត់ពន្ធគ្រឿងញៀនធំលើ
ពិភពលោកដូចស្ដេចរត់ពន្ធគ្រឿងញៀនម៉ិកស៊ិក EL CHAPO GUZMAN ដែរ ។
ជននោះមានសញ្ជាតិកាណាដាដើមកំណើតចិន ត្រូវបានការិយាល័យ អ.ស.ប ប្រឆាំងការរត់ពន្ធគ្រឿងញៀននិងឧក្រិដ្ឋកម្មចាត់ទុកជាប្រមុខនៃបណ្ដាញរត់ពន្ធគ្រឿងញៀនដ៏ធំបំផុតនៅអាស៊ី ដែលគេស្គាល់ថាបណ្ដាញ SAM GOR ដែលជាក្រុមផលិតគ្រឿងញៀន និងផ្គត់ផ្គង់គ្រឿងញៀនមេតំហ្វេតាមីនដ៏ធំនៃពិភពលោក ។
ក្រុម SAM GOR ក៏អ្នកលាងលុយកខ្វក់ច្រើនពាន់លានដុល្លារមកពីការរត់ពន្ធគ្រឿងញៀន
ពិសេសតាមរយៈកាស៊ីណូ សណ្ឋាគារនិងក្រុមហ៊ុនអចលនទ្រព្យនានាក្នុងតំបន់មេគ្គងនៅអាស៊ីអាគ្នេយ៍ ។
ប៉ូលិសអូស្ត្រាលីថ្លែងថា ការចាប់ខ្លួនជននោះ គឺបន្ទាប់ពីប្រតិបត្តិការមួយដែលកាលពីឆ្នាំ២០១២ទៅ២០១៣ អាចចាប់ខ្លួនមនុស្ស២៧នាក់ដែលមានទំនាក់ទំនងជាមួយសហជីពឧក្រិដ្ឋមួយមានវត្តមានក្នុងប្រទេស៥ ៕