ជនជាតិចិន ១១នាក់ និងរថយន្តសាំងយ៉ុងមួយគ្រឿង ត្រូវសមត្ថកិច្ចខេត្តកំពតឃាត់ខ្លួន ពាក់ព័ន្ធនឹងករណីលួចឆ្លងខេត្ត

ខេត្តកំពត​÷​ ព័ត៌មានបឋមពីស្នងការដ្ឋាននគរបាលខេត្តកំពតបានឲ្យដឹងថា នាព្រឹកថ្ងៃ​ទី ២០​ ខែ​មេសា​ ឆ្នាំ​២០២១​ វេលា​ម៉ោង​៩:០០ព្រឹក​ កម្លាំង​អធិការ​ដ្ឋាន​នគរបាល​ស្រុក​ឈូក​ នៃខេត្តកំពត បានធ្វើការឃាត់រថយន្តម៉ាកសាំងយ៉ុង ពណ៌ទឹកប្រាក់ ស្លាកលេខ ភំ្នពេញ 2AH-0465 នៅភូមិអង្គឃ្លៃ ឃុំត្រម៉ែង ស្រុកឈូក ដែលបានដឹកជនជាតិចិនចំនួន​ ១១ នាក់ចេញពី​ខេត្ត​ព្រះសីហនុ​ មក​ខេត្ត​កំពត​ ឆ្លងកាត់ភូមិសាស្ត្រ នៅឃុំតេជោអភិវឌ្ឍន៍​ ស្រុកឈូក ខេត្ត​កំពត​។ ល្មើស​​បម្រាម​របស់រាជរដ្ឋាភិបាល ។

ករណីនេះ សមត្ថកិច្ចជំនាញ នៃស្នងការដ្ឋាននគរបាលខេត្ត​កំពត​ បាននិងកំពុងកសាងសំណុំរឿងបញ្ជូនទៅសាលាដំបូងខេត្តកំពត ដើម្បីចាត់ការតាមនីតិវិធីច្បាប់ ៕