ឃាត់ខ្លួនជនសង្ស័យម្នាក់ ពាក់ព័ន្ធករណីលួចក្របីប្រជាពលរដ្ឋ

ខេត្តបាត់ដំបងៈ ដោយ​អនុវត្តតាម​ បទបញ្ជា​ផ្ទាល់​ពី​ លោក ឧត្ដមសេនីយ៍​ទោ​ សាត​ គឹមសាន​ ស្នងការ​នៃស្នងការដ្ឋាននគរបាលខេត្តបាត់ដំបង​ ក៏ដូចជា​យោបល់របស់លោក​វរសេនីយ៍ឯក​ លឹម​ ពុទ្ធីឡា​ ស្នងការរង​ផែនការងារ​នគរបាល​ព្រហ្មទណ្ឌ​ នៅ​ថ្ងៃទី​១៧​ ខែ​កញ្ញា​ ឆ្នាំ​២០២១​ វេលាម៉ោង​ ១៨:៤៥​នាទី​ នៅ​ចំណុច​រង្វង់​មូល​ភ្ជាវ​ ស្ថិតក្នុង​ភូមិ​ភ្ជាវ​ ឃុំ​ត្រែង​ ស្រុក​រតនមណ្ឌល​ ខេត្តបាត់ដំបង​ លោក​វរសេនីយ៍ឯក​ ឈឿង​ គឹមសុង​ នាយការិយាល័យ​នគរបាល​ព្រហ្មទណ្ឌ​កម្រិត​ស្រាល​ បាន​ដឹកនាំ​​កម្លាំង​ក្រុមអន្តរាគមន៍​ បង្ការបង្ក្រាប​ ​សហការ​ជាមួយ​កម្លាំង​អធិការដ្ឋាន​នគរបាល​ស្រុក​រតន​មណ្ឌល​ ចុះ​ប្រតិបត្តិការ​បង្ក្រាប​ និង​បាន​ឃាត់​ខ្លួន​ជនសង្ស័យ​ ០១​នាក់​​ ឈ្មោះ​ អាន​ សំអាត​ ភេទប្រុស​ អាយុ​៣៩​ឆ្នាំ​ មានទីលំនៅ​ ក្រុមទី​ ០២​ ភូមិ​ព្រៃតូច​ ឃុំ​ព្រៃតូច​ ស្រុក​មោងឫស្សី​ ខេត្តបាត់ដំបង​ ដោយ​អនុវត្តតាម​ដីកាបញ្ជា​អោយ​ចូល​ខ្លួន​លេខ​ ៣២/២១​ ដ.ប.ខ​ ចុះ​ថ្ងៃទី​ ១៣​ ខែ​កញ្ញា​ ឆ្នាំ​២០២១​ របស់​លោក​ ជួង​ សារ៉ន​ ព្រះរាជអាជ្ញា​រង​នៃ​អយ្យការ​អមសាលាដំបូងខេត្តបាត់ដំបង​ ដែល​ពាក់ព័ន្ធ​នឹង​ករណី​អំពេី​លួច​ (​ យក​សត្វ​ក្របី​ )​ ដែល​កេីតឡេីង​កាលពី​ថ្ងៃទី​២១​ ខែ​ ឧសភា​ ឆ្នាំ​២០២១​ វេលាម៉ោង​ ០៨:០០​នាទី​ នៅ​ចំណុច​អូរ​ដៃ​អំពិលទឹក​ ស្ថិតក្នុង​ភូមិ​កំពង់ព្រះ​ ឃុំ​កំពង់ព្រះ​ ស្រុក​សង្កែ​ ខេត្ត​បាត់ដំបង​ ។

​បច្ចុប្បន្ន​ការិយាល័យ​ជំនាញ​កំពុង​តែ​ធ្វេីការ​កសាងសំណុំរឿង​ដេីម្បី​បញ្ជូន​ទៅ​សាលាដំបូង​ខេត្ត​បាត់ដំបង​ចាត់ការ​បន្ត​តាម​នីតិវិធី​ ៕

Book Bus Ticket Online With LankrongTicket.com Book Bus Ticket Online