​រថយន្ត​មួយ​គ្រឿងបេីកបររេចង្កូតបុករ៉ឺម៉ក​ និងម្ចាស់តូបជួសជុលកង់ម៉ូតូ​ បណ្តាលឲ្យស្លាប់ម្នាក់ភ្លាមៗ​

ករណីគ្រោះ​ថ្នាក់​ចរាចរណ៍​ផ្លូវ​គោក​​បង្ករ​ឡេីង​ដោយ​ រថយន្ត​បេីកបររេចង្កូតបុករ៉ឺម៉ក​ និងម្ចាស់តូបជួសជុលនិងប៉ះអ៊ុតកង់ម៉ូតូ​ បណ្តាលអោយ ស្លាប់០១នាក់(នៅកន្លែងកេីតហេតុ-ភេទប្រុស​)។

កេីតហេតុ​ថ្ងៃ​ សៅរ៍​៣កេីត​ ខែ​អស្សុជ​ ឆ្នាំឆ្លូវ​ ត្រីស័ក​ពុទ្ធសករាជ​២៥៦៥​ ត្រូវនឹងថ្ងៃ​ទី​៩​ ខែ​តុលា​ ឆ្នាំ​២០២១​ វេលាម៉ោង​ ១២,៤៥នាទី​ ។ លេីកំណាត់ផ្លូវ​ជាតិ​លេខ៥​ ចន្លោះ​គីឡូម៉ែត្រ​ ៣៦-៣៧​ ស្ថិតក្នុងភូមិម្លូ​ម៉ឺន​ ឃុំ​ផ្សារ​ដែក​ ស្រុក​ពញាឮ​ ខេត្ត​កណ្ដាល​ ។

​ សភាពនៃរឿងហេតុ÷ នៅវេលា​ថ្ងៃ​ខែ​ឆ្នាំ​ កេីតហេតុ​ខាងលេី​ មាន​រថយន្ត​មួយ​គ្រឿង​ម៉ា​ក​ LEXUS RX300​ ពណ៌​ខ្មៅ​ ពាក់ផ្លាកលេខ​ បាត់ដំបង​ 2C-1008 បេីកបរក្នុងទិសពី​លិច​ទៅ​កេីត(កំពង់​ឆ្នាំង-ភ្នំពេញ​)​ដោយឈ្មោះ​(អ៊ូជ​ កាញ់​ )ភេទប្រុស​ អាយុ​ ៤១ឆ្នាំ​ មានទីលំនៅ​ភូមិ​តាភេម​ ឃុំ​តាភេម​ ស្រុក​ត្រាំកក់​ ខេត្តតាកែវ​ (ឃាត់ខ្លួន)​ ។

លុះពេលបេីកបរមកដល់​ចំណុច​កេីតហេតុ​ខាងលេី​ បានរេចង្កូត​ទៅ​ខាងស្តាំដៃ​ បុកពីក្រោយរ៉ឺម៉ក​ ដែលកំពង់ចត​ រិតច្រវ៉ាក​ម៉ូតូ​ និងបូមខ្យល់កង់រ៉ឺម៉ក​ ធ្វេីអោយរ៉ឺម៉កបុកផ្ទុប​ ជាមួយអ្នកកំពង់រិតច្រវ៉ាក់ម៉ូតូ​ ស្លាប់ភ្លាម​ៗនៅកន្លែងកេីតហេតុ​តែម្តង​ ។

សព​មានឈ្មោះ​ ស៊ុន​ សុជាតិ​ ភេទប្រុស​ អាយុ៣១​ឆ្នាំ​ អាស័យ​ដ្ឋាន​ បច្ចុប្បន្ន​ភូមិ​អំពិលផ្អែម​ ឃុំ​វិហារ​លួង​ ស្រុក​ពញាឮ​ ខេត្ត​កណ្ដាល​ ។

​ម៉ូតូ​សណ្តោង​រ៉ឺម៉ក​ម៉ាក​ HONDA DREAM ធុន​ C125​ ពណ៌​ខ្មៅ​ ពាក់ផ្លាកលេខ​ភ្នំពេញ​ 1N-​ 9863​ ចតនៅលេីចិញ្ចេីមផ្លូវ​ ទិសដៅ​ពីលិច​ទៅ​កេីត​ ជាកម្ម​សិទ្ធិ​របស់ឈ្មោះ​ សៀន​ ហ៉ឺន​ ភេទប្រុស​ អាយុ​៣០​ឆ្នាំ​ មានទីលំនៅ​ ភូមិ​ គ​ ឃុំ​ថ្មឥដ្ឋ​ ស្រុក​កំពង់​ត្រឡាច​ ខេត្ត​កំពង់ឆ្នាំង​ ។ (087​848742)​ ។

ក្រោយ​ពេល​ កេីតហេតកម្លាំងផ្នែក​ជំនាញ​បាន​ចុះ​ដល់​កន្លែង​កេីតហេតុ​បន្ទាន់​ ធ្វេីការសម្រួល​ចរាចរណ៍​គូសដៅកន្លែង​កេីតហេតុ​រួចនាំយក​មធ្យោបាយ​ពាក់​ព័ន្ធ​មក​រក្សាទុក​ជាបណ្តោះ​អាសន្ន​នៅអធិការដ្ឋាន​នគរបាល​ដេីម្បី​បន្ត​នីតិ​វិធី​ ៕

 

Book Bus Ticket Online With LankrongTicket.com Book Bus Ticket Online