នគរបាលស្រុកភ្នំព្រឹកឃាត់ខ្លួនយុវជនម្នាក់បន្ទាប់ពីប្រើអំពើហិ.ង្សាបណ្តាលឱ្យជនរងគ្រោះចំនួន០៣នាក់មានរបួសស្នាមនិងខូចខាតទ្រព្យសម្បត្តិយកមកអនុវត្តតាមច្បាប់

កាលពីថ្ងៃ សុក្រ ២កើត ខែអស្សុជ ឆ្នាំឆ្លូវត្រី​ស័ក​ព.ស.២៥៦៥ ត្រូវនឹងថ្ងៃទី ៨ ខែតុលា ឆ្នាំ ២០​២១ វេលាម៉ោង ១៣និង៣០នាទីនៅចំណុចក្រុម​ទី០២ ស្ថិតនៅក្នុងភូមិទួលជ្រៃ ឃុំបារាំងធ្លាក់ ស្រុក​ភ្នំព្រឹកខេត្តបាត់ដំបង អនុវត្តតាមយោបល់ដឹកនាំរបស់លោកឧត្តមសេនីយ៍ទោ សាត គឹម​សាន ស្នងការនៃស្នងការដ្ឋាននគរបាលខេត្តបាត់​ដំបង រួមនឹងយោបល់លោកវរសេនីយ៍ឯក លឹម ពុទ្ធីឡា ស្នងការរងផែនការងារនគរបាលព្រហ្មទ័ណ្ឌ លោកវរសេនីយ៍ទោ ហេង បារាំង អធិការនគរបាលស្រុកភ្នំព្រឹកដឹកនាំកម្លាំងជំនាញផ្នែកនគរបាលយុត្តិធម៌ សហការជាមួយកម្លាំងប៉ុស្តិ៍នគរ​បាលរដ្ឋបាលភ្នំព្រឹកនិងកម្លាំងប៉ុស្តិ៍នគរបាលរដ្ឋបាលបារាំងធ្លាក់ ធ្វើការឃាត់ខ្លួនជនសង្ស័យចំ​នួន០១នាក់ឈ្មោះ ឆន តេវីត ភេទប្រុសអាយុ …… ឆ្នាំមានទីលំនៅភូមិទួលជ្រៃ ឃុំបារាំងធ្លាក់ ស្រុកភ្នំព្រឹក ខេត្តបាត់ដំបងពាក់ព័ន្ធករណីហិ.ង្សាដោ​យ​ចេតនាមានស្ថានទម្ងន់ទោស(ប្រើកាំបិតនិងពូថៅ)រួមជាមួយករណីធ្វើឱ្យខូចខាតដោយចេត​នាមានស្ថានទម្ងន់ទោស(កាប់បំផ្លាញម៉ូតូ )។

សូមជម្រាបជូនថា មូលហេតុដែលឈានដល់ការឃាត់ខ្លួននេះគឺកាលពីថ្ងៃទី ៥ ខែតុលា ឆ្នាំ ២០២១ វេលាម៉ោងប្រមាណ ១៤និង៣០ នាទី នៅចំ​ណុចលើក្រុមទី០៦ ស្ថិតនៅភូមិភ្នំព្រឹក ឃុំភ្នំព្រឹក ស្រុកភ្នំព្រឹក ខេត្តបាត់ដំបង មានករណីហិ.ង្សាមួយបានកើតឡើង ដែលករណីនេះបង្កដោយជនសង័្សយខាងលើ ប្រើប្រាស់កាំបិតនិងពូថៅ ប្រព្រឹត្តិទៅលើជនរងគ្រោះចំនួន ០៣នាក់គឺ៖

១-ឈ្មោះ អឿន សឿ ភេទប្រុស អាយុ ១៨ឆ្នាំ មានទីលំនៅភូមិ ភ្នំព្រឹក ឃុំភ្នំព្រឹក ស្រុកភ្នំព្រឹក ខេត្តបាត់ដំបង ។

២-ឈ្មោះ ហ៊ត់ តាំងហីភេទប្រុស អាយុ២៧ឆ្នាំ មានទីលំនៅភូមិ ភ្នំព្រឹក ឃុំភ្នំព្រឹក ស្រុកភ្នំព្រឹក ខេត្តបាត់ដំបង ។

៣-ឈ្មោះ វ៉ាន់ ភព ភេទប្រុស អាយុ ……ឆ្នាំ មានទីលំនៅភូមិ ភ្នំព្រឹក ឃុំភ្នំព្រឹក ស្រុកភ្នំព្រឹក ខេត្តបាត់ដំបង ។

បណ្តាលឱ្យអ្នកទាំង ០៣នាក់ទទួលរងរបួស និងខូចខាតម៉ូតូចំនួន 0២គ្រឿង ។

-ម៉ូតូ ម៉ាកសង់C125 ពណ៌ខ្មៅ សេរីឆ្នាំ២០០៨

-ម៉ូតូម៉ាកវេវពណ៌ក្រហមលាយខ្មៅ សេរីឆ្នាំ២០១៧

នៅក្រោយពេលកើតហេតុ ជនរងគ្រោះបានដាក់​ពាក្យបណ្តឹងចូលមកសមត្ថកិច្ចនគរបាលស្រុកភ្នំព្រឹក ហើយ ឆ្លងតាមរយៈការស្រាវជ្រាវស៊ើបអង្កេតនេះ សមត្ថកិច្ចបានធ្វើការឃាត់ខ្លួននិងដកហូតបាន៖

-កាំបិតផ្គាក់ដងឈើចំនួន ០១ដើម និងដាវសាំម៉ូរ៉ៃ ចំនួន ០១ដើម។

បច្ចុប្បន្នជនសង្ស័យ និងវត្ថុតាងខាងលើ សមត្ថកិច្ចនគរបាលស្រុកបានកសាងសំណុំរឿងបញ្ជូនមកការិយាល័យជំនាញអនុវត្តបន្តតាមនីតិវិធី ច្បាប់​៕

Book Bus Ticket Online With LankrongTicket.com Book Bus Ticket Online