ឃាត់ខ្លួនជនសង្ស័យម្នាក់ ករណីលួចស្ថានមានទំហំទោស

ស្រុកព្រៃកប្បាស​៖​ ថ្ងៃចន្ទ​ ៤រោច​ ខែអស្សុជ​ ឆ្នាំឆ្លូវ​ ត្រីស័កព.ស២៥៦៥​ ត្រូវនឹងថ្ងៃទី២៥​ ខែតុលា​ ឆ្នាំ២០២១​ វេលាម៉ោង​ ១១​ និង​ ៥៥​ នាទី​ ស្ថិតនៅភូមិដូងខ្ពស់​ ឃុំបានកាម​ ស្រុកព្រៃកប្បាស​ មានករណីអំពេីលួច(ម៉ូតូ)​ បានកេីតឡេីង​ បង្កដោយជនមិនស្គាល់អត្តសញ្ញាណ​ បានជិះកង់មកធ្វេីសកម្មភាពលួចម៉ូតូ០១គ្រឿងម៉ាកគុបជ្រុង​ C90​ ពណ៍ទឹកប្រាក់​ ផ្លាកលេខភ្នំពេញ​ 1AL-9067​ ជារបស់ម្ចាស់ឈ្មោះ​ ឈឹម​ យឺន​ ភេទប្រុស​ អាយុ៦៦ឆ្នាំ​ មុខរបរកសិករ​ រស់នៅភូមិឃុំកេីតហេតុខាងលេី​ ខណ:ដែលជនរងគ្រោះទុកម៉ូតូនៅមុខផ្ទះដោយមិនបានដកសោរចេញពីម៉ូតូ​ ក្រោយធ្វេីសកម្មភាពជនសង្ស័យបានបន្សល់ទុកកង់នៅកន្លែងកេីតហេតុ។

ដោយមានការចង្អុលបង្ហាញពីសំណាក់​ លោកឧត្តមសេនីយ៍ទោ​ សុខ​ សំណាង​ ស្នងការ​នគរបាលខេត្ត និងមានការសម្របសម្រួលពី ឯកឧត្តម​ ជីវ​ ចាន់តារា​ ព្រះរាជអាជ្ញា អមសាលាដំបូងខេត្តតាកែវ លោកវរសេនីយ៍ឯក ឡេង​ ប៊ុនឡុង​ អធិការនគរបាលស្រុកព្រៃកប្បាស​ បានដឹកនាំកម្លាំងជំនាញ​ សហការជាមួយកម្លាំងប៉ុស្តិ៍នគរបាលរដ្ឋបាលបានកាម​ ចុះទៅដល់កន្លែងកេីតហេតុធ្វេីការស្រាវជ្រាវ​ និងកំណត់មុខសញ្ញា។ រហូតមកដល់ថ្ងៃទី២៧​ ខែតុលា​ ឆ្នាំ២០២១​ កម្លាំងយេីងឃាត់បានជនសង្ស័យឈ្មោះ​ ជុំ​ វន្នី​ យកមកកាន់អធិការដ្ឋាននគរបាលស្រុកព្រៃកប្បាស​ ដេីម្បីកសាងសំណុំរឿងតាមនីតិវិធី៕

Book Bus Ticket Online With LankrongTicket.com Book Bus Ticket Online